09 Aug 2019 10:03

inkhel

I-Day Veteran Football Tournament Semifinal lut a hriat kim ta

F.Lalchhandama (Papuia) Memorial I-Day Celebration Football Tournament for Veteran chu August ni 9, Zirtawpni zan khan AR Lammualah quarterfinal match hnuhnung zawk khelh a ni a, Dinthar Veteran Club leh 80s Teenagers chuan an khingpui ve ve hnehin semifinal an lut a, ti hian semifinal lut ahriat kim ta a ni.

August ni 12, Thawhtanniah Semifinal khelh tur a ni a, tlai dar 5:15-ah Saron Veteran FC leh 80s Teenagers an inhmachhawn ang a, zan dar 6:30-ah Police Veteran Team leh Dinthar Veteran Club te an inhmachhawn ang.

Semifinal lut te

1.Police Veteran Team

2. Saron Veteran FC

3. Dinthar Veteran Club

4. 80s Teenagers

05:15 PM Chanmari Veteran FC 0-1 Dinthar Veteran Club

(Lalhmunzauva 21')

Semifinal final luh inchhuh inkhel hmasa zawk Dinthar Veteran Club chuan sikhat faia Chanmari Veteran FC hnehin semifinal an lut. Goal awm chhun hi first half-a lut a ni a, inkhel tan atanga minute 21-ah Dinthara Veteran Club tan Lalhmunzauva chuan a khung a ni.


07:15 PM 80s Teenagers 2-1 Mualpheng Veteran FC

(Lalmuanpuia 30', Lallianzuala 35+1' (OG) (K. Vanlalṭhazuala 70+3')

Inkhel hnuhnungah 80s Teenagers chuan 2-1 a Mualpheng Veteran FC hnehin semifinal an lut ve bawk. First half-ah goal hnih a lut a, second half-ah goal khat a luh belh bawk.

First half huntawp dawn minute 5 ala awmin 80s Teenagers tan Lalmuanpuia chuan an hmahruaina a khung a, added time-ah Mualpheng Veteran FC defender Lallianzuala chuan an lamah a ti goal hlauh a, 80s Teenagers chuan 2-0 a hmahruaiin chawlhlawk an hmang.

Second half-ah Mualpheng Veteran FC chuan inkhel thunun zawk mahse, goal an thun mai thei lo. Goal luh belh tawh lo in 80s Teenagers chuan 2-0 in hnehna an chang tawh dawn emaw tih hnu huntawp dawn added time-ah Mualpheng Veteran FC tan K. Vanlalṭhazuala chuan an siphurh sut then mahse huntawpin a nang zui a, 80s Teenagers chuan 2-1in hnehna an chang ta a ni.

August ni 9, Zirtawpni Quarterfinal Results

05:15 PM Chanmari Veteran FC 0-1 Dinthar Veteran Club

(Lalhmunzauva 21')

07:15 PM 80s Teenagers 2-1 Mualpheng Veteran FC

(Lalmuanpuia 30', Lallianzuala 35+1' (OG) (K. Vanlalṭhazuala 70+3')

August ni 12, Thawhtanni Semifinal Fixtures

05:15 PM Saron Veteran FC vs 80s Teenagers

06:30 PM Police Veteran Team vs Dinthar Veteran Club