F.Lalchhandama (Papuia) Memorial I-Day Celebration Football Tournament for Veteran chu August ni 6, Thawhlehnizan khan AR Lammualah Round of 16 khelh zawh a ni a, Manuna Memorial Ramthar, Dinthar Veteran Club leh Mualpheng Veteran FC te chuan an khingpui theuh hnehin quarterfinal an lut a, ti hian quarterfinal lut a hriat kim ta a ni.
Quarterfinal hi August ni 8, Ninganiah khelh tur a ni a, inkhel vawihnih a awm ang a, tlai dar 5:15-ah Mizoram Police FC Veteran Team leh Manuna Memorial FC Ramthar te an inhmachhawn ang a, dar 6:30-ah Saron Veteran FC leh Lily Sporting Club an inhmachawn ang.
Quarterfinal lut te
1. 80s Teenagers
2. Chanmari Veteran FC
3. Saron Veteran FC
4.Lily Sporting Club
5.Mizoram Police FC, Veteran Team
6. Manuna Memorial Ramthar
7. Dinthar Veteran Club
8. Mualpheng Veteran FC
Quarterfinal luh inchuh inkhel hmasa ber Manuna Memorial Ramthar chuan sithum fai a Aizawl Veteran FC hnehin quarterfinal an lut. Manuna Memorial Ramthar tan R. Lalchhuanawma, Chanchinṭhazauva leh P.C Lalthangzela chuan goal khat theuh an khung. Goal lut te hi second half-a lut vek an ni a, minute 13 chhungin goal thum hi a lut a ni.
Inkhel vawihnihnaah Dinthar Veteran Club chuan 2-1 a Serchhip Veteran hnehin quarterfinal an lut. First half-ah Dinthar Veteran Club tan Lalhmingmawia chuan goal hmahruai a khung chu second half-ah Serchhip Veteran tan V. Lalfamkima chuan an siphurh rul mahse Dinthar Veteran Club tan Lalrintluanga chuan penalty atangin an chakna goal a khung a, Dinthar Veteran Club chuan 2-1 in hnehna an chang ta a ni.
Inkhel hnuhnung ber Mualpheng Veteran FC chuan sikhat fai a Kulikawn Veteran Club hnehin quarterfinal an lut. Goal awm chhun hi first half huntawp dawnah Mualpheng Veteran FC tan penalty atangin Sanghmingthanga chuan a khung a ni.
August ni 6, Thawlehni Results
05:15 PM Manuna Memorial Ramthar 3-0 Aizawl Veteran FC
(R. Lalchhuanawma 50', Chanchinṭhazauva 58', P.C Lalthangzela 63')
06:45 PM Serchhip Veteran 1-2 Dinthar Veteran Club
(V. Lalfamkima 62') (Lalhmingmawia 34', T. Lalrintluanga 67' (P)
08:15 PM Kulikawn Veteran Club 0-1 Mualpheng Veteran FC
(Sanghmingthanga 43', (P)
August ni 8, Ningani Quarterfinal Fixtures
05:15 PM Mizoram Police FC Veteran Team vs Manuna Memorial FC Ramthar
06:30 PM Saron Veteran FC vs Lily Sporting Club
August ni 9, Zirtawpni Quarterfinal Fixtures
05:15 PM Chanmari Veteran FC vs Dinthar Veteran Club
06:30 PM 80s Teenagers vs Mualpheng Veteran FC
(adsbygoogle = window.adsbygoogle || []).push({});