F.Lalchhandama (Papuia) Memorial I-Day Celebration Football Tournament for Veteran chu August ni 8, Ningani zan khan AR Lammualah quarterfinal khelh a ni a, inkhel vawi hnih awmin Mizoram Police FC Veteran Team leh Saron Veteran FC chuan an khingpui ve ve hnehin semifinal an lut.
August ni 9, Zirtawpni zanah quarterfinal khelh zawh a ni ang a, tlai dar 5:15-ah Chanmari Veteran FC leh Dinthar Veteran Club an inhmachhawn ang a, dar 6:30-ah 80s Teenagers leh Mualpheng Veteran FC an in hmachhawn ang a, semifinal lut a hriat kim tawh ang.
05:15 PM Mizoram Police FC Veteran Team 4-1 Manuna Memorial FC Ramthar
(Rolianthanga 6', 48', R. Vanlalfela 40', 58')(Lalrinsanga 9')
Semifinal luh inchuh inkhel hmasa zawk Mizoram Police FC Veteran Team chuan 4-1 a Manuna Memorial FC Ramthar hnehin semifinal an lut.
First half-ah Mizoram Police FC Veteran Team tan Rolianthanga chuan an hmahruaina a khung chu Manuna Memorial FC Ramthar tan Lalrinsanga chuan an siphurh a rul a, 1-1 a inhneh tawkin chawlhlawk an hmang.
Second half-ah Mizoram Police FC Veteran Team chuan inkhel thunun zawkin R Vanlalfela chuan goal hnih khungin Rolianthanga chuan goal khat a khung leh bawk. Huntawp thlengin Manuna Memorial FC Ramthar chuan an siphurh hi an sut thei tawh lo a, Mizoram Police FC Veteran Team chuan 4-1 in hnehna an chang ta a ni.
06:30 PM Saron Veteran FC 2-1 Lily Sporting Club
(Zothlamuana 38', Lalṭanpuia Zote 46') (Supreme Lalbiakmawia chinzah 53')
Inkhel hnuhnungah Saron Veteran FC chuan 2-1 a Lily Sporting Club hnehin semifinal an lut ve bawk. Saron Veteran FC tan Zothlamuana leh Lalṭanpuia Zote chuan goal khat ve ve an khung a, Lily Sporting Club tan Supreme Lalbiakmawia Chinzah chuan goal khat a khung ve bawk.
Goal lut te hi second half a lut vek an ni a, second half tan atanga minute 3 aral hmain Saron Veteran FC tan Zothlamuana chuan an hmahruaina akhunga, minute 46-ah Lalṭanpuia Zote chuan an goal hnihna akhung zui leh bawk. Lily Sporting Club chuan an siphurh sut ngei tumin annawr let a, minute 53-ah Supreme Lalbiakmawia chinzah an siphurh sut then mahse goal dang erawh an khung thei tawh lo a, Saron Veteran FC chuan 2-1 in hnehna an chang ta a ni.
August ni 8, Ningani Quarterfinal Results
05:15 PM Mizoram Police FC Veteran Team 4-1 Manuna Memorial FC Ramthar
(Rolianthanga 6', 48', R. Vanlalfela 40', 58')(Lalrinsanga 9')
06:30 PM Saron Veteran FC 2-1 Lily Sporting Club
(Zothlamuana 38', Lalṭanpuia Zote 46') (Supreme Lalbiakmawia chinzah 53')
August ni 9, Zirtawpni Quarterfinal Fixtures
05:15 PM Chanmari Veteran FC vs Dinthar Veteran Club
06:30 PM 80s Teenagers vs Mualpheng Veteran FC