F.Lalchhandama (Papuia) Memorial I-Day Celebration Football Tournament for Veteran final August ni 15, Ningani tlai khan khelh a ni a, Mizoram Police Veteran chuan 2-0 a Saron Veteran FC hnehin a vawi khat nan an champion ta a ni.
Champion Mizoram Police Veteran Team te hian Rs 20,000/- Trophy an dawng bakah Fair Play-ah Mizoram Police Veteran Team thlan an ni a, Rs 5,000/- an dawng tel bawk a ni. Pahnihna Saron Veteran FC hian Rs 10,000/- an dawng thung. Top Scorer-ah goal 4 khungtu F Lalmawizual Mizoram Police Veteran Team chu thlan a ni a, Trophy a dawng bawk.
02:00 PM Saron Veteran FC 0-2 Mizoram Police Veteran Team
(F Lalmawizuala 3', Lalduhawma 70')
Veteran final inkhelah Mizoram Police Veteran Team chuan F Lalmawizuala leh Lalduhawma goal khat ve ve hmangin Saron Veteran FC an hneh. Goal lut te hi first half leh second half-a lut an ni.
First half-ah Mizoram Police Veteran Team chuan inkhel thunun zawkin inkhel tan atanga minute 3-ah half way line bul atangin F Lalmawizuala chuan anhmahruaina akhung. Police Veteran team chuan goal thun belhna hun tha an nei zui nual a, box chhung chiah atangin H Lalramnghaka chuan goal sirah chiah a pet a, box pawn chiah atanga Lalthanpuia shoot tha zet chu Saron Veteran FC keeper Zoramhmangaiha chuan a dan sak hnuah H Lalnunsiama chuan goal ban a perper zui a, goal luh belh tawh lo in, Mizoram Police Veteran Team chuan 1-0 a hmahruaiin chawlh lawk an hmang.
Second half-ah pawh Mizoram Police Veteran Team bawk chungnung zawkah tangin goal thun belhna hun tha an vawi hnih lai an nei zui a, H Lalnunsiama chuan goal thunna hun tha aneih chu a hmangtangkai thei lo a, TC Lalramsanga chuan Saron Veteran FC keeper Zoramhmangaiha chiah ahmachhawn hnuah Zoramhmangaiha chuan a dan sak bawk.
Goal luh belh tawh lo in Mizoram Police Veteran Team chuan 1-0 in hnehna an chang dawn emaw tihhnu huntawp dawn injury time-ah bench atanga lut Lalduhawma chuan box pawn chiah atangin an chak nemnghehna goal rawn khungin Mizoram Police Veteran Team chuan 2-0 in hnehna an chang zui ta a ni.
Lawmman
Champion : Mizoram Police Veteran, Rs 20,000/-
Pahnihna : Saron Veteran FC, Rs 10,000/-
Semi finalist : Rs 5,000/- 80s Teenagers, Durtlang Leitan, Dinthar Veteran Club
Fair Play : Mizoram Police Veteran ,Rs 5,000/-
Top Scorer: F Lalmawizual 4 goal, Mizoram Police Veteran , Trophy