I-Day Celebration Football Tournament 2019 MPL Club pariat te inelna chu August ni 5, Thawhtanni khan AR Lammual tan a ni a, inkhel vawi hnih awmin Aizawl FC leh Electric Veng FC chuan an khingpui ve ve an hneh.

August ni 6, Thawhlehniah khelh chhunzawm leh a ni ang a, inkhel vawihnih a awm ang. Inkhel hmasa zawk dar 12:00-ah FC Venghnuai leh Chawnpui FC an inhmachhawn ang a,  dar 2:15-ah Ramhlun North FC leh Chhinga Veng FC an in hmachhawn ang. 

I-Day Celebration Football Tournament-ah hian MPL Club 8 ten inelna an hmachhawn a, club 8 te hi group A-B-ah then an ni. Group  A -ah Mizoram Police FC, Aizawl FC, Electric Veng FC leh Chanmari FC an awm a, Group B-ah FC Venghnuai, Chawnpui FC, Ramhlun North FC leh Chhinga Veng FC te an awm thung.

Inkhel hmasa zawk I League Club Aizawl FC chuan 5-1 in MFA Super Cup Champion Mizoram Police FC an hneh nghal.

Aizawl FC hi MFA Super Cup-ah tel tumin inziak lut mahse, team lamah inbuatsaih an duh avangin antel thei lo a, I Day Tournament-ah an match hmasa berah hnehna an chang nghal a ni.

Aizawl FC tan Rochharzela chuan goal hnih a khung a, Jonathan Lalrawngbawla, Isak Vanlalruatfela leh David Lalhlansanga te chuan goal khat theuh an khung. Mizoram Police FC tan Lalbiakhlua (Biaktea) chuan goal khat a khung ve bawk.

Inkhel hnuhnung zawk Electric Veng FC chuan 3-1 in Chanmari FC an hneh. Electric Veng FC tan David Lalchhuanawma, Jacob Lalrawngbawla leh Lalengmawia te chuan goal khat theuh an khung. Chanmari FC tan Lalnunzama chuan goal khat a khung ve bawk.

First half-ah goal hnih alut a, second half-ah goal hnih a luh belh bawk. Electric Veng FC inkhelah an chungnung zawk a, minute 11-ah David Lalchhuanawma chuan an hmahruaina a khung a, huntawp dawn minute 7 ala awmin Jacob Lalrawngbawla chuan an goal hnihna a khung leh bawk.

Second half tan atanga minute 5 aral hmain Chanmari FC tan Lalnunzama chuan an siphurh a sut then mahse Electric Veng FC tan huntawp dawn minute 5 ala awmin Lalengmawia chuan an goal thumna a khung a, 3-1 in Electric Veng FC an chak ta a ni.

(David Lalchhuanawma 11', Jacob Lalrawngbawla 38', Lalengmawia 85') (Lalnunzama 50')

August ni 5, Thawhtanni Fixtures

12:00 PM Mizoram Police FC 1-5 Aizawl FC

(Lalbiakhlua 38') (Jonathan Lalrawngbawla 36',

Isak Vanlalruatfela 63', Rochharzela 69', 74',

David Lalhlansanga 85')

02:15 PM Electric Veng FC 3-1 Chanmari FC

(David Lalchhuanawma 11', Jacob Lalrawngbawla 38', Lalengmawia 85') (Lalnunzama 50')

August ni 6, Thawhlehni Fixtures

12:00 PM FC Venghnuai Vs Chawnpui FC

02:15 PM Ramhlun North FC Vs Chhinga Veng FC

(adsbygoogle = window.adsbygoogle || []).push({});