I Day Football Tournament 2022 khelh mekah August ni 6, Inrinni inkhel vawihnih awmin FC Venghnuai leh Aizawl FC chuan ankhingpui ve ve an hneh. August ni 6, Inrinniah khelh chhunzawm leh tur a ni a, dar 11:30-ah Chhinga Veng FC leh Chanmari FC an inhmachhawn ang a, chawhnu dar 1:30-ah Mizoram Police FC leh Electric FC an inkhel ang.

11:30-ah FC Venghnuai 5-1 FC Bethlehem

(Lalrammuanpuia 48', (P) T. Malsawmzuala Tlangte 53', 55', Vanlalthanga 76', Samuel Lalramchhana 88') (Moses Lalrinzuala 38' (P)

Inkhel hmasa zawkah FC Venghnuai chuan 4-1 in FC Bethlehem an hneh. Goal lut te hi first half leh second half a lut an ni a, first half-ah goal khat lutin second half-ah goal li a lut thung.

First half-ah FC Bethlehem tan huntawp dawn minute 7 ala awmin Rammawia penalty hlawhchhuah chu Moses-a chuan goal-ah chantirin an goal khatna akhung.

Second half-ah FC Venghnuai insiam țha in minute 48-ah FC Bethlehem defender Sena handball vangin penalty a chawi. He penalty hi FC Venghnuai tan Apuia chuan petin an siphurh a rul. FC Venghnuai an phurh thar minute 2 chhungin goal hnih a lut nghal. He goal hi bench a țanga lut Sawma Tlangte khung ve ve a ni a, FC Venghnuai chuan 3-1 in hmaanhruai zui ta a ni.

FC Venghnuai chuan nawr chhunzawmin minute 76-ah Vanlalthanga chuan an goal li na a khung a, huntawp nan minute 2 ala awmin Lalramchhana chuan an goal nga na khung leh in 5-1 in hnehna an chang zui ta a ni.

1:30PM Chawnpui FC 1-2 Aizawl FC

(Laltlanzova 54') (Lalhmangaihkima 15') R Lalthanmawia 45+2')

Inkhel hnuhnung zawkah Aizawl FC chuan 2-1 in Chawnpui FC an hneh. First half-ah goal hnih a lut a, second half-ah goal khat a lut bawk. Goal hmasa ber hi inkhelh țan a țanga minute 15-ah mual dinglam sir a țanga Amawia ball pek țha zet chu box a awm Hmangaihkima chuan goal-ah chan tirin anhmahruaina a khung.  First half hun tawp dawn Extra time-ah Aizawl FC tan Amawia chuan free kick a țangin mawi takin an goal hnihna a khung zui bawk.

Second half-țan a țanga minute 9-ah Chawnpui FC tan Laltlanzova chuan an siphurh a sut then. 1-1 an ni. Chawnpui FC chuan huntawp dawn extra time-ah penalty an hlawh chhuak an siphurh sutna hun țha nei mahse, he penalty hi bench a tanga lut Samuel Laltlanthanga chuan petin Aizawl FC goalkeeper Hriatpuia chuan a dangsak a, Aizawl FC chuan 2-1 in hnehna an chang ta a ni.