Independence Day Celebration Football Tournament(mipa) Group Stage chu August ni 7, 2015 Zirtawpni khan A.R Lammualah khelh zawh a ni a. Aizawl FC, Mizoram Police FC leh Bethlehem Vengthlang FC te chu semi final lut tawh an ni a, vawiin khan Chanmari West FC chuan semi final an lut ve ta a ni. August ni 11, 2015 Thawhlehniah semi final khelh tan a ni ang.
August ni 7, 2015 Zirtawpni khan inkhel vawi hnih awmin, Chanmari West FC leh Aizawl FC chuan an khingpui ve ve an hneh. Inkhel hmasa zawkah Chanmari West FC leh Zo United FC te inkhelah Chanmari West FC chuan 2-1 in Zo United FC an hneh. Chanmari West FC hian point 1 neisain an khel a, Zo United FC hian point 3 neisain an khel thung.
First half-ah Chanmari West FC tan Lallawmsanga chuan minute 28 ah goal hmahruai a thun a, Second half-ah Zo United FC tan Samson Ramengmawia chuan minute 78 ah an siphur a rul leh a, hun tawp dawn minute 83 ah Chanmari West FC tan H Lallianzama chuan goal thun lehin 2-1 in Chanmari West FC chuan hnehna an chang ta a ni. Chanmari West FC hian point 4 hmuin Semifinal an inhlang kai . Chanmari West FC chuan semi final-ah Bethlehem Vengthlang FC an hmachhawn dawn a ni.
Inkhel hnuhnung zawkah Luangmual FC chuan 2-3 in Aizawl FC an hneh lo. Luangmual FC tan Lalthawmmawia chuan goal hnih a khung a. Aizawl FC tan H Lalmuankima, Lalbiakhlua leh Brandon VL Rawmdika chuan goal khat theuh an thun. Aizawl FC hian point 9 lai an hlawhchhuak ta a, semi final an lut chiang hle. Mizoram Police FC nen semi final ah an in su ve thung dawn a ni.
Group A atanga Point hmuh dan.
1.Dinthar FC. Point - 2
2.Chanmari FC. Point - 2
3.MRP FC. Point - 3
4.BVT FC. Point - 7
Group B atanga point hmuh dan.
1.Aizawl FC. Point - 9
2.Chanmari West FC. Point - 4
3.Luangmual FC. Point - 1
4.Zo United FC. Point -3
August 7, 2015 Zirtawpni Results:-
12:30PM Chanmari West FC 2-1 Zo United FC
(Lallawmsanga 28', H Lallianzama 83') (Samson Ramengmawia 78',)
03:00PM Luangmual FC 2-3 Aizawl FC
*(Lalthawmmawia 13', 45',) (H Lalmuankima 23', Lalbiakhlua 25', Brandon Rawmdika 61',)
August 11, 2014 Thawhlehni Fixtures:-
02:30PM Chanmari West FC vs Bethlehem Vengthlang FC
August 12, 2015 Nilaini Fixtures:-
02:30PM Mizoram Police FC vs Aizawl FC