I Day Football : BVT leh MRP Semi Final lut

07th August 2015, 12:08AM

I-Day Football Tournament (mipa) inkhel chu August ni 6, 2015 Ningani khan A.R Lammual ah khelh chhunzawm leh a ni. Aizawl FC ten Semi final an lut tawh a, vawiin khan Inkhel vawi hnih awmin Bethlehem Vengthlang FC leh Mizoram Police FC chuan semi final an lut ve ta. August ni 11, 2015 Thawhlehni ah semi final hi khelh a ni ang.

Inkhel hmasa zawkah Chanmai FC leh Bethlehem Vengthlang FC te inkhelah Bethlehem Vengthlang FC chuan si hnih faiin Chanmari FC an hneh. Goal hnih te hi M.S Dawngliana khung a ni.

Bethlehem Vengthlang FC hian an khelh tawhah Dinthar FC 1-0 in an hneh a, Mizoram Police FC nen goal awm lo in  an  hneh tawk pui bawk a, inkhel hnuhnung berah  Chanmari FC hi si hnih fai  ahnehin, point 7 anhmu a. Semi final an inhlangkai ta a ni.

I-Day 2015

Inkhel hnuhnung zawk Dinthar FC leh Mizoram Police inkhelah 1-1 in an inhneh tawk. Dinthar FC tan first half hun tawp dawn 2 mins-ah Samuel Laltlanthanga chuan athun a, Mizoram Police FC tan second half-ah Lalramtharmawia chuan minute 72 ah an siphur rul lehin,  hun tawp thlengin goal lut awm zui tawh lo in 1-1 in an inhneh tawk ta a ni.

Mizoram Police FC hian an khelh tawhah Chanmari FC hi 1-1 in an hneh tawk pui a, Bethlehem Vengthlang FC nen goal awmlo in an hneh tawk pui leh bawk a, inkhel hnuhnung berah hian Dinthar FC hi 1-1 a hneh tawk pui lehin.  Point 3 hmu in semi final an in hlangkai ve ta a ni.

Group A atanga Point hmuh dan.

1.Dinthar FC. Point - 2

2.Chanmari FC. Point - 2

3.MRP FC. Point - 3

4.BVT FC. Point - 7

Group B atanga point hmuh dan.

1.Aizawl FC. Point - 6

2.Chanmari West FC. Point - 1

3.Luangmual FC. Point - 1

4.Zo United FC. Point -3

August 6, 2015 Ningani Results:-

12:30PM Chanmari FC 0-2 Bethlehem Vengthlang FC

(M.S. Dawngliana 8', 85',)

03:00PM Mizoram Police FC 1- Dinthar FC

Samuel Laltlanthanga 40+3', (Lalramtharmawia 72',)

August 7, 2015 Zirtawpni Fixtures:-

12:30PM Chanmari West FC vs Zo United FC

03:00PM Luangmual FC vs Aizawl FC

Copyright © inkhel.com 2024. All rights reserved.