I-Day hmeichhia semi final khel tur hriat kim ta

04th August 2015, 02:08AM

Independence Day Celebration Football Tournament (hmeichhia semi finalist a hriat ta a, August ni 3, 2015 khan AR Lammualah match khat awmin, semi final khel tur kan hre kim thei ta.

Hmeichhe Team 10 atangin a thiam pali FC Bethlehem, James & Juda Memorial FC, Bethlehem Vengthlang FC leh Aizawl FC te chuan Semifinal an khel dawn ta a ni.

August ni 3, 2015 Thawhtanni khan hmeichhia inkhel vawi khat awmin, Aizawl FC chuan siruk faiin an khingpui Champhai FC an hneh. Aizawl FC tan Elizabeth Vanlalmawii leh B Vanlalhriati te chuan goal thum ve ve an thun. August ni 11, 2015 Thawhlehniah semi final khelh tan a ni ang.

Inkhel tan atangin Aizawl FC chuan nawr nghalin chance an nei hmasa zawk a, freekick vawi thum hmu nghal mahse goal an thun lo vek, Champhai FC lam hian nawr letin goal thunna chance erawh an nei thei bik lo. Minute 26 ah Aizawl FC chuan freekick an hmu leh yard 35 vel atangin Elizabeth Vanlalmawii chuan a pet a, nalh tak in a pet goal, Champhai keeper tan chetna hman a awmlo 1-0 in first-ah Aizawl FC chuan hma an hruai. Second half-ah erawh goal kan hmu ta nual a, si ruk faiin Aizawl FC chuan hnehna an chang ta a ni.

August 11, 2015 Thawhlehni Fixtures:-

11:30 AM James & Juda Memorial FC vs Lunglei FC

Copyright © inkhel.com 2024. All rights reserved.