08 Aug 2019 06:24

inkhel

I-Day Football Hmeichhia Final-ah NCC leh Vakiria FC

I-Day Celebration Football Tournament 2019 Hmeichhia inelna chu August ni 7, Nilaini khan Rajiv Gandhi Stadium-ah league round match hnuhnung ber khelh a ni a, NCC leh Vakiria FC chuan final an lut ta a ni. Final hi August ni 10, Inrinni zan dar 6:30-ah AR Lammualah khelh tur a ni.

Inkhel hmasa ber NCC leh Sport & Youth Services te hi point 6 nei ve ve final lut thei dinhmun a ding ve ve an ni a, NCC chuan 3-0 a Sport & Youth Services te hnehin final an lut ta zawk a ni.

NCC tan Lalchhanhimi chuan goal hnih a khung a, Miriam Lalnunsiami chuan goal khat a khung bawk.

Goal lut te hi second half alut vek an ni a, second half tan atanga minute 2 aral hmain NCC tan Miriam Lalnunsiami chuan an hmahruaina a khung hnuah Lalchhanhimi chuan an goal hnihna akhung zui leh bawk. Goal luh belh tawh lo in NCC chuan 2-0 in hnehna an chang dawn emaw tih hnu huntawp dawn added time-ah NCC tan Lalchhanhimi bawk chuan an goal thumna a khung leh a, 3-0 in hnehna chang ta a ni.

Inkhel vawihnihna group B Chanmari Women FC chuan 3-1 in Mabiaka Memorial FC an hneh a, point 3 an hlawh chhuak. Chanmari FC hian khelh tawhah point 6 neiin Vakiria FC nen point inang chiahah Vakiria FC head to head-ah an san zawk avangin final an lut ta zawk a ni.

Inkhel hnuhnung ber final lut chiang tawh Vakiria FC chuan sithum faiin Maubawk Women FC an hneh Vakiria FC tan C.Zairemmawii chuan goal hnih a khung a, Lalrinzuali chuan goal khat a khung bawk.

Vakiria FC hian hneh loh neilo in league round an khar ta a ni. First half-ah goal hnih a lut a, second half-ah goal khat a luh belh bawk. First half-ah Vakiria FC tan C Zairemmawii chuan minute 20 leh 31-ah goal a khung a, second half tan atanga minute 3 aral hmain Lalrinzuali chuan goal khat a khung belh bawk.

August ni 8, Ningani Results

11:30 AM NCC 3-0 Sport & Youth Services

(Miriam Lalnunsiami 37', Lalchhanhimi 46', 70+2')

01:00 PM Mabiaka Memorial FC 1-2 Chanmari Women FC

(Lalthansangi 11') (Jenny VL Hmangaihsangi 13', Lalrinfeli 51')

02:30 PM Vakiria FC 3-0 Maubawk Women FC

(C.Zairemmawii 20', 31', Lalrinzuali 38')

August ni 10, Inrinni Final Fixtures

06:30 PM NCC vs Vakiria FC

(adsbygoogle = window.adsbygoogle || []).push({});