10 Aug 2019 09:34

inkhel

​I-Day Football 2019 Hmeichhia Champion Vakiria FC

August ni 10, Inrinni zan khan I-Day Celebration Football Tournament 2019 Hmeichhia final khelh a ni a, Vakiria FC chuan 3-0 a NCC hnehin an champion ta a ni. Champion team Vakiria FC hian Rs 30,000/- an dawng a, Pahnihna NCC hian Rs 20,000/- an dawn bakah Fair play lawmman Rs 10,000/- an dawngbtel bawk. Trophy erawh August ni 15, Independence Day-ah hlan tur an ni.

Best Player-ah K Lalruatfeli, Vakiria FC chu thlan a ni a, Rs 1,000/- a dawng a, Top Scorer-ah goal ruk khungtu Jenny VL Hmangaihhsangi, Chanmari FC chu thlan ni bawkin Rs 1,000/- a dawng bawk.

06:30 PM NCC 0-3 Vakiria FC

(C Zairemmawii 19', 29', Grace H Lalrampari 66')

Final inkhelah Vakiria FC chuan 3-0 in NCC an hneh. Vakiria FC tan C Zairemmawii chuan goal hnih akhunga, Grace H Lalrampari chuan goal khat a khung bawk. First half-ah goal hnih a lut a, second half-ah goal khat a luh belh bawk. 

Goal hmasa ber hi first half tan atanga minute 19-ah Gospel Vanlalsawmi ball pek tha zet chu box chhunga awm Zairemmawii chuan goal-ah chantirin an hmahruaina a khung a, huntawp dawn minute 6 ala awmin Zairemmawii bawk chuan freekick atangin an goal hnihna a khung leh bawk. Second half-ah Vakiria FC bawk chungnung zawkah tangin bench atanga lut India National Football Team a tel Grace H Lalrampari chuan huntawp dawn minute 4 ala awmin an goal thumna a khung a, Vakiria FC chuan 3-0 in hnehna an chang zui ta a ni.

Lawmman:

Champion : Vakiria FC, Rs 30,000/-

Pahnihna : NCC, Rs 20,000/-

Fair Play : NCC, Rs 10,000/-

Best Player : K Lalruatfeli, Vakiria FC, Rs 1,000/-

Top Scorer : Jenny VL Hmangaihhsangi, Chanmari FC goal 6, Rs 1,000/-

(adsbygoogle = window.adsbygoogle || []).push({});