10 Aug 2019 05:30

inkhel

​I-Day Celebration Football Tournament Semifinal lut a hriat kim ta

NEXA I-Day Celebration Football Tournament 2019 MPL Club pariat te inelna chu August ni 10, Inrinni khan group B league match hnuhnung ber khelh a ni a,  FC Venghnuai leh Chhinga Veng FC chuan an khingpui ve ve hnehin semifinal an lut a, ti hian semifinal lut a hriat kim ta a ni. 

Semifinal hi August ni 13, Thawhlehniah khelh tur a ni a, chawhnu dar 2:00-ah Aizawl FC leh FC Venghnuai an inhmachhawn ang a, zan dar 6:00-ah Chhinga Veng FC leh Electric Veng FC an inhmachhawn ang.

Semifinal lut te:

1. Aizawl FC

2. Electric Veng FC

3. FC Venghnuai

4. Chhinga Veng FC

12:00 PM Ramhlun North FC 0-1 FC Venghnuai

(Vanlalthanga 39')

Inkhel hmasa zawk kai thar FC Venghnuai chuan sikhat faia Ramhlun North FC hnehin semifinal an lut. Goal awm chhun hi first half-a lut a ni a, huntawp dawn minute 6 ala awmin FC Venghnuai tan Vanlalthanga chuan a khung a ni. FC Venghnuai hian khelh thum atangin point 6 an nei a, group B table-ah pahnihna ni chungin semifinal an lut ta a ni.

02:15 PM Chhinga Veng FC 2-1 Chawnpui FC

(Thasiama 45+1', K Lalnunzama 76') (Vanlalthlamuana 38')

Inkhel hnuhnungah Chhinga Veng FC chuan 2-1 a Chawnpui FC hnehin semifinal an lut. Chhinga Veng FC tan Thasiama leh K Lalnunzama chuan goal khat ve ve an khung a, Chawnpui FC tan Vanlalthlamuana chuan goal khat a khung ve bawk. Chhinga Veng FC hian match thum atangin point 7 an neiba, group B hmahruaitu ni chungin semifinal an lut ta a ni.

First half-ah goal hnih a lut a, second half-ah goal khat a luh belh bawk. First half huntawp dawn minute 7 ala awmin Chawnpui FC tan Thlamuana chuan an hmahruaina goal akhung chu added time-ah Chhinga Veng FC tan Thasiama chuan an siphurh a rul a, second half-ah Chhinga Veng FC tan K Lalnunzama chuan minute 76-ah an goal hnihna khungin Chawnpui FC hian an siphurh hi huntawp thlengin an sut thei tawh lo a, Chhinga Veng FC chuan 2-1 in hnhena an chang ta a ni.

August ni 13, Thawhlehni Semifinal Fixtures

02:00 AM Aizawl FC vs FC Venghnuai

06:00 PM Chhinga Veng FC vs Electric Veng FC

(adsbygoogle = window.adsbygoogle || []).push({});