14 Aug 2019 09:25

inkhel

I-Day Celebration Football Tournament final-ah FC Venghnuai leh Electric Veng FC

NEXA I-Day Celebration Football Tournament 2019 semifinal chu August ni 13, Thawhlehni zan khan khelh a ni a, MPL kai thar FC Venghnuai leh Electric Veng FC chuan an khingpui ve ve hnehin final an lut. Final hi August ni 15, Ningani tlai dar 5:30-ah khelh tur a ni.

05:30 AM Aizawl FC 0-0 FC Venghnuai

(Penalty- Shootout-ah FC Venghnuai 4-3 in an chak)

Final luh inchuh inkhel hmasa zawk. Aizawl FC leh FC Venghnuai te minute 120 chungin goal lut a awmlo a, penalty Shootout-a chak zawk zawn anih hnuah FC Venghnuai chuan 4-3 a hnena changin final an lut ta a ni.

Hunpangngaiah I League Club Aizawl FC chuan Inkhel thunun zawkin goal thunna hun tha pawh an nei hnem zawk a, F. Lalremsanga chuan FC Venghnuai keeper RS Lawmzuala chiah a hmachhawn hnuah a pet goal lo a, box chhung atanga Rochharzela Volley chu goal kham chung chiah a kal zui bawk.

FC Venghnuai pawhin goal thunna hun nei ve bawkin Vanlalthanga chuan Aizawl FC keeper Awpa chiah a hmachhawn hnuah a pet goal lo a, box pawn chiah atanga Lalhmangaiha (Tetea) shoot tha zet chu a goal dawn nia alan laiin Aizawl FC keeper Awpa chuan a dan sak.

Aizawl FC chuan second half huntawp dawnah goal thunna hun tha neiin Isak Vanlalruatfela corner pet tha zet chu bench atanga lut David Lalhlansanga chuan goal kham chung chiahah atauh a, PC Lalhriatpuia chuan a hun tha neih hloh ve bawkin hunpangngaiah goal lut a awm ta lo a ni.

Extra time khelh zui a ni a, Aizawl FC bawk chungnung zawkah tangin goal thunna hun tha vawi thum lai an nei a, box chhung chiah atanga PC Lalhriatpuia shoot tha zet chu goal sirah chiah akal a, Nigerian midfielder Alfred Kemah Jaryan chuan goal kham apet per hnuah Isak Vanlalruatfela shoot tha zet chu FC Venghnuai keeper RS Lawmzuala chuan a dan sak a, goal lut awmlo in an inhneh tawk leh ta a ni.

Penalty Shootout-in chak zawk zawn a ni a, FC Venghnuai tana pet Vanlalthanga chiahin a pet goal loh laiin Aizawl FC tana pet Paul Ramfangzauva leh David Lalhlansanga chuan an pet goal lo a, FC Venghnuai chuan 4-3 in hnehna an chang ta a ni.


08:00 PM Chhinga Veng FC 0-1 Electric Veng FC

(Jacob Lalrawngbawla 39')

Inkhel hnuhnung zawk hi zan dar 8:00-ah khelh a ni a, Electric Veng FC chuan sikhat faia Champion lai Chhinga Veng FC hnehin final an lut ve ta a ni. Goal awm chhun hi first half huntawp dawn minute 6 ala awmin Electric Veng FC tan Jacob Lalrawngbawla chuan a khung a ni.

Electric Veng FC hian tual chhung coach tha ber Lalsangazuala Hmar lalutin an daingailoh ram ahruai thleng. Super Cup-ah semifinal lutin penalty Shootout-ah chanmari FC lakah an vanduai a, final thleng zo lo  mahse,  I Day Football Tournament-ah erawh an danglam tawh tih hriat nan final an lut. 

Electric Veng FC hi Aizawl FC, Chanmari FC leh Mizoram Police FC te nen Group A-ah an awm ho a, final thleng turin an kawng a bumboh hle. An match hmasa berah Super Cup semifinal a anhneh loh Chanmari FC an hneh hnuah Aizawl FC nen goal awmlo in an indraw a, Mizoram Police FC an hneh lo.

Group A-a awm te hian point 4 theuh neiin Aizawl FC leh Electric Veng FC te hi goal deference-ah an san avangin semifinal an lut hram a, semifinal-ah an khingpui Chhinga Veng FC hneh hramin final an thleng ta a ni.

August ni 15, Ningani Final Fixtures

05:30 PM FC Venghnuai vs Electric Veng FC

(adsbygoogle = window.adsbygoogle || []).push({});