NEXA I-Day Celebration Football Tournament 2019 final chu August ni 15, Ningani tlai inkhelah Electric Veng FC chuan 2-1 a FC Venghnuai hnehin a vawikhat nan an champion. Champion Electric Veng FC hian Rs 10,00,00/- Trophy an dawng a, pahnihna FC Venghnuai hian Rs 50,000/- an dawn bakah fair play lawmman Rs 10,000/-Trophy an dawng tel thung. 

05:30 PM FC Venghnuai 1-2 Electric Veng FC

(David Lalchhuanawma 78', (OG) (Ramhlunchhunga 82', 85')

Final inkhel Team pahnihte an intluk tawk hle a, FC Venghnuai chuan Electric Veng forward David Lalchhuanawma own goal hmangin goal khung hmasa zawk mahse, Electric Veng FC chuan Ramhlunchhunga goal hnih hmangin hnehna an chang a, I Day Celebration Football Tournament-ah avawi khat nan no mawi an chawi ve ta a ni.

First half-ah goal lut a awmlo a, FC Venghnuai chuan inkhel thunun zawk mahse, Electric Veng FC chuan goal hlauhawm an nei hmasa zawk a, Jacob Lalrawngbawla freekick tha zet chu box chhunga awm Vanlalremruata tauh chu FC Venghnuai keeper Lawmkima chuan a dan sak a, David Lalchhuanawma'n FC Venghnuai keeper Muansanga chiah ahmachhawn hnuah Muansanga chuan a dan sak.

FC Venghnuai pawhin goal thunna hun neiin Best forward-a thlan Vanlalthanga leh Lalhmunsiama'n box pawn chiah atanga an shoot chu a goal dawn nia alan laiin Electric Veng FC keeper Muansanga chuan a dang  hman a, box chhung chiah atang Isak Vanlalpeka shoot tha zet pawh Electric Veng FC keeper Muansanga chuan an dan sak bawk.  

Second half-ah second half-ah erawh goal thum a lut thung. FC Venghnuai chungnung zawk mahse, goal erawh an khung mai thei bik lo a, mual dinglam sirah Vanlalthanga che a hmuhnawm a, goal khung turin clear chance erawh a nei thei bik lo. Minute 78-ah FC Venghnuai chuan corner anhlawh chhuak a, he corner hi Vanlalthanga chuan petin Electric Veng forward David Lalchhuanawma chuan an lamah atauh goal hlauh. FC Venghnuai chuan 1-0 in hmaanhruai ta a ni.

Electric Veng FC an buailo a, minute 3 chhungin goal hnih an khung. Goal hmasa zawk hi huntawp dawn minute 8 ala awmin box chhungah David Lalchhuanawma ball danper chu Ramhlunchhunga chuan goal-ah chantirin an siphurh a rul a, minute 3 aral leh hmain Jacob Lalrawngbawla corner pet tha zet chu box chhunga awm Ramhlunchhunga bawk chuan goal-ah chantir zuiin 2-1 in Electric Veng FC chuan hmaanhruai ta. Huntawp nan minute 5 chiah a awm tawh a, FC Venghnuai chuan an siphurh sut ngei tumin nawr let mahse, goal an khung thei tawh lo a, huntawpin a nangzui a, Electric Veng FC chuan 2-1 in hnehna an chang ta a ni.

Lawmman

Champion : Electric Veng FC, Rs 10,00,00/- Trophy

Pahnihna : FC Venghnuai, Rs 50,000/-

Semifinalist : Aizawl FC, Chhinga Veng FC, Rs 10,000/-

Fair Play : FC Venghnuai, Rs 10,000/-Trophy

Mimal Lawmman

Best Forward : Vanlalthanga, FC Venghnuai, Rs 2500/-

Best Defender : Rorelliana, Electric Veng FC, Rs 2500/-

Best Midfielder : Jacob Lalrawngbawla, Electric Veng FC, Rs 2500/-

Best Goalkeeper : RS Lallawmzuala, FC Venghnuai, Rs 2500/-

(adsbygoogle = window.adsbygoogle || []).push({});