03 Aug 2019 09:37

inkhel

Hungary-ah Verstappen a ding hma ber dawn

Pathianni hian Formula One intlansiak a awm leh dawn a, Hungarian Grand Prix a awm dawn a. Inrinnia qualifying an tlanah Max Verstappen chu a che tha ber a, a vawi khatna atan pole position a chang.

Red Bull driver Max Verstappen hian Formula One a luhchilh hnuah vawi 92 zet chu qualifying-ah a lo tlan ve tawh a, pole position hi a la chang thei miah lo a. Qualifying-a vawi 93 a tlannaah a tlan chak ber a, pole position hi a chang ve thei ta hram a. Formula One driver zinga pole position chang thei 100-na a ni.

Mercedes driver pakhat zawk Valtteri Bottas pawh a tlan tha hle a, mahse Verstappen hi second 0.018 in a hmasa ta zawk a, Bottas chu pahnihna a ni a, a hnungah hian a teammate Lewis Hamilton chu a ding dawn a ni.

Hamilton-a hnungah hian Ferrari driver pahnih an awm dun a, palinaah Charles Leclerc chu awmin, a hnungah hian a teammate Sebastian Vettel chu a awm bawk a. Red Bull driver pakhat zawk Pierre Gasly chu paruknaah a awm a, a hnungah hian McLaren driver Lando Norris a awm bawk a ni.

Hungaroring-ah hian McLaren driver pakhat zawk Carlos Sainz Jr chu pariatna niin, a hnungah hian Haas driver Romain Grosjean leh Alfa Romeo driver Kimi Raikkonen te chu an awm bawk.

Hungarian GP qualifying result

1. Max Verstappen, Red Bull/Honda
2. Valtteri Bottas, Mercedes
3. Lewis Hamilton, Mercedes
4. Charles Leclerc, Ferrari
5. Sebastian Vettel, Ferrari
6. Pierre Gasly, Red Bull/Honda
7. Lando Norris, McLaren/Renault
8. Carlos Sainz Jr., McLaren/Renault
9. Romain Grosjean, Haas/Ferrari
10. Kimi Raikkonen, Alfa Romeo/Ferrari
11. Nico Hulkenberg, Renault
12. Alexander Albon, Toro Rosso/Honda
13. Daniil Kvyat, Toro Rosso/Honda
14. Antonio Giovinazzi, Alfa Romeo/Ferrari
15. Kevin Magnussen, Haas/Ferrari
16. George Russell, Williams/Mercedes
17. Sergio Perez, Racing Point/Mercedes
18. Daniel Ricciardo, Renault
19. Lance Stroll, Racing Point/Mercedes
20. Robert Kubica, Williams/Mercedes