Germany international leh World Cup winner ni bawk Mats Hummels chuan Manchester United a zawm leh dawn lo niin a lang.
Van Gaal a kahhruai United team chu tun nipui transfer hian Hummels hian a pan dawn lo tiin Borussia Dortmund sporting director Michael Zorke chuan a sawi a, a hmalam hun a ngaihtuah hi thil awm lutuk a ni a, season leha Dortmund in ruahmanna a siamah erawh amah (Hummels) a la tel vek thu ka hrilh tiin a sawi bawk.
United hian kum 26 a upa Dortmund defender Hummels an ngaihven nasa tawh hle tih chu report tam tak atangin kan hre tawh a, tun nipui transfer a an top target niin a ngaih theih bawk. Dortmund sporting director kamchhuak erawh United tan thu hriat nuam lo tak a ni ngei ang le.
Marcos Rojo, Jonny Evans, Phil Jones, Paddy McNair, Tyler Blackett leh Chris Smalling te tun season ah Van Gaal hian center back atan a hmang vek tawha, khel tha ve tak tak an awm laiin Rio Ferdinand leh Nemanja Vidic te luahlan zo tak tak an la awm lo tih theih a ni a, Hummels kher ni lo he position a khel thei player dang a melh hrim hrim a rinawm a ni.