Hrem tawk tur Madrid bazar-ah chet nat an tum!!

15th January 2016, 05:01PM

Real Madrid leh Atletico Madrid te tun January Transfer Window chhiar tel loh in Transfer Window tum hnih lai player lei thei lova hrem an nih tak avangin tun January Transfer Window boruak chu a hot chho viau dawn niin a lang.

Transfer Window tum hnih lai player lei thei lova hrem an nih dawn avang hian kum 2017, July thla atang chauh in player an lei veleh thei chauh dawn a, Madrid club pahnih te tan hian tun transfer window hi a pawimawh dawn hle ani.

Real Madrid star player ni mek Cristiano Ronaldo hi Manchester United bakah PSG nen sawizawm a ni leh mek a, Gareth Bale pawh a bang biklo. Manchester United nen Gareth Bale hi sawizawm a ni mek bawk a ni.

Hetihlai hian tun Transfer Window a Real Madrid in player lakluh an tum te hi an tha hlawm the thaw hle a, sum pawh an sen hnem a ngai hle ang.

Real Madrid-in lakluh an tum ni a an sawi mek te zingah hian Man Utd goalkeeper David De Gea hming a langsar ber leh mek a, De Gea hian contract thar Man Utd ah ziak zo chiah mahse Madrid leh sum tam tak nen thlemchhuah an tum leh dawn niin an sawi.

Premier League player zingah Chelsea forward, tun season-a beisei phalo tak Eden Hazard hming pawh a ri ring hle a, Hazard bakah hian Chelsea-in an lakluh theih tak loh Everton defender John Stones-a hming pawh a tel a, Tottenham striker Harry Kane, Juventus midfielder Paul Pogba bakah Bayern Munich striker Robert Lewandowski hming pawh a lang a ni.

Atletico Madrid lam pawh an bang bik lova, an manager Diego Simeone chu Chelsea a chhuak mai tur angin an sawi mek a, a rual hian Griezmann bakah Jackson Martinez te chuan an manager hi Chelsea lamah an zui chuak ve bawk dawn niin an sawi mek.

Hetihlai hian Chelsea striker Diego Costa chu a club hlui lamah hian a kir leh dawn niin an sawi bawk a, a ni bakah hian tun hnaia che tha tak Watford goal thun khawl Odion Oghalo chuan Atletico Madrid lam hi a pan dawn niin an sawi bawk a ni.

Real Madrid hian hremna an hmachhawn tur hi khin let ngei an tum a, an hlawhtlinglo a nih chuan club in a tuar hle dawn niin a ngaih theih awm e.

(adsbygoogle = window.adsbygoogle || []).push({});

Copyright © inkhel.com 2024. All rights reserved.