Hong Kong Open quarter final-ah Srikanth leh Sameer

15th November 2018, 10:11PM

Hong Kong Open khelh mekah Indian shuttler pahnih Kidambi Srikanth leh Sameer Verma te chu an la chak zel a, Nilaithawhtan khan an khingpui ve ve hnehin quarter final an lut.

Fourth seeded Kidambi Srikanth chu Indian shuttler tho HS Prannoy nen an inhmachhawn a, kumin Commonwealth Games silver medallis Srikanth hi a dingchang zawkah tangin, darkar khat leh minute 7 chhungin 18-21, 30-29, 21-18 in a chak a ni.

Kidambi Srikanth hian quarter final-ah chuan Japanese shuttler Kenta Nishimoto leh Kantaphon Wangcharoen, Thailand te inkhela chak zawk zawk a hmachhawn ang.

Sameer Verma chu a vannei hle a, a khingpui tur, Olympic champion Chen Long chu a inhliam avangin a inhnukdawk a, hei vang hian inkhelh buai ngai miah loin quarter final-ah hian a luh theih phah a. Hans-Kristian Solberg Vittinghus, Denmark leh Lee Cheuk Yiu, Hong Kong te inkhela chak zawk chu quarter final-ah hian a tum dawn a ni.

Mixed doubles pair Satwiksairaj Rankireddy leh Ashwini Ponnappa te chuan Chinese Taipei pair Lee Yang leh Hsu Ya Ching te chu 17-21, 11-21 in an hneh lo a, Hong Kong Open World Tour Super 500 tournament-ah hian an kawng a tawp a ni.

Copyright © inkhel.com 2024. All rights reserved.