Heavyweight boxing chanchina rivalry ropui ber anga sawi thin chu Evander Holyfield leh Mike Tyson- te inkar a ni a, an pahnih hi vawi hnih inhmachhawn tawhin, a vawi thum nan an inhmachhawn leh maithei.

Holyfield hi kum 57 mi lai a ni tawha, Tyson hi kum 53 mi ni tawh bawk mahse an kum ngaihtuah chuan an la fit zak zak hle a, charity-a hman tur atan an pahnih hian sum hnek chhuah an tuma, exhibition match an nei lovang tih a sawi theih loh.

Boxer pahnih te hi kum 20 chuang liamta daih tawh khan vawi hnih an lo inhnehk tawha, kum 1996-ah leh kum 1997-ah te khan lo inhnek tawhin Holyfield hian hnehna a chang ve ve.

Mike Tyson hian charity match atan a inhnek duh thu a lo sawichhuak tawha, Holyfield pawhin a lo kir tur thu a sawi leh tawha, Holyfield vs Tyson 3 kan hmuh ngei a rinawm chho hle.

Holyfield chuan, “In inpeig em? In lo nghahhlelh em em chu a thleng dawn ta.. Champ chu a rawn kir e!” tiin Twitter lamah a tweet.

Sawi zelin Holyfield chuan, “Ring-ah ka rawn kir leh dawn tih ka puanga, exhibition match-ah a tul avangin ka rawn inhnek leh dawn. Insual atangin ka hming ka chher a, kha keimaha fighter awma kha ka phochhuah leh a hun tawh. Ka citizen pui te’n a hma zawng aia tanpuina an mamawh avangin ka rawn kir dawn a ni,” a ti.

Holyfield hian coronavirus avanga harsate tanpui nan sum hnek chhuah a tum meka, Mike Tyson pawhin hetiang chiah hian inhnek a lo tum ve bawk nen kum 20 chuang liam hnuah an pahniha fight pathumna kan hmu dawn a ang chho ta hle a ni.