Hockey India-in Lalremsiami te an ko

16th November 2019, 08:11PM

Hockey India chuan hmeichhe team-a tel thei tur player 33 an thlang chhuak a, heng zingah hian Lalremsiami pawh a tel.

Inrinniah Hockey India chuan Senior Women National Camp a tel thei tur mi 33 an thlang chhuak a, heng an mi thlan chhuahte hi Sports Authority of India, Bengaluru Campus-ah an inkulh dawn a ni.

India hmeichhe hockey team te hian camp-ah hian fitness mai bakah ball-handling speed leh strength lampang an zir nasa deuh ber dawn a. Thlan chhuahte hi chief coach Sjoerd Marijne hnenah an inlan ang a, Conditioning Camp hi November 18 atangin an tan ang a, December 15 thlengin an awm dawn a ni.

Hmeichhe team te hi Tokyo 2020 Olympic Games a tel turin an tling tawh a, match hnih khelhah USA chu chawh rualin 6-5 in an hneh a, Japan rama inkhel thei tur hian an tling a ni.

Sjoerd Marijne chuan, “National Camp hi hma kan sawn belh zelna atan a tangkai em em a, a bik takin fitness kan ngaipawimawh hle dawn a, chutiang tur chuan hun pawh kan nei a ni,” a ti.

“Kum tharah hian kan buai map map dawn viau a, hei vang tak hian kan tan pawh tha taka inpuahchah hi a pawimawh lehzual a. Hei bakah hian FIH Hockey Olympic Qualifiers Odisha a kan khelh dan kan thlir ang a, vawi hnih khelha kan dinhmun kan en chiang ang a, zir belh tur kan neihte chu zirna hun thaah kan hmang ang,” a ti bawk.

Hmeichhe team-a tel tura kohte

Goalkeepers: Savita, Rajani Etimarpu, Bichu Devi Kharibam

Defenders: Deep Grace Ekka, Reena Khokhar, Suman Devi Thoudam, Sunita Lakra, Salima Tete, Manpreet Kaur, Gurjit Kaur, Rashmita Minz, Mahima Choudhary, Nisha

Midfielders: Nikki Pradhan, Monika, Neha Goyal, Lilima Minz, Sushila Chanu Pukhrambam, Chetna, Reet, Karishma Yadav, Sonika, Namita Toppo

Forwards: Rani, Lalremsiami, Vandana Katariya, Navjot Kaur, Navneet Kaur, Rajwinder Kaur, Jyoti, Sharmila Devi, Priyanka Wankhede, Udita

Copyright © inkhel.com 2024. All rights reserved.