23 May 2020 09:40

bakteaJr.

Mizo tlangval

​Hmeichhe infiammi sum lalut hnem ber Osaka

Japanese tennis player Naomi Osaka chu khawvela hmeichhe infiammi zawng zawng zinga thla 12 liamta chhung khan sum lalut hnem ber a ni.

Forbes magazine chuan kum 22 mi hi infiam mi hmeichhe zinga sum lalut hnem berah an daha, Japanese nu hian he list-a hmasa bera awm thin American tennis player Serena Williams a luahlan.

Osaka hian thla 12 liamta chhung khan Osaka hian pound maktaduai 30.7 a hlawh chhuak niin an tarlanga, hei hi kum 38 mi Serena Williams-i’n thla 12 liamta chhunga a hlawh chhuah zat aiin pound maktaduai 1.15 in a tam zawk.

Forbes hian hmeichhe infiammi te sum lakluh hi kum 1990 atang khan a lo chhui tan tawha, kum tinin hmeichhe infiammi hlawh hnem ber hi tennis player an la ni ziah.

Forbes-in thla 12 liam ta chhunga infiammi sum lalut hnem zual 100 a thlan chhuah te chu kar leh lam hian tih chhuah tur a ni a, hetah hian Grand Slam title pahnih la tawh Osaka hi 29 na a ni dawn tih tarlan a ni.