​Hlawh tlem zawka Chelsea-a khelh chak Falcao

26th May 2015, 03:05PM

Hlawh sang tak pein Manchester United chuan Monaco atangin Radamel Falcao loan-in an hawh, mahse beisei ap hak tak loh avangin Man Utd chuan Falcao chhawr chhunzawm zel an tum ta lo.

Falcao erawh chuan English Premier League-a khelh chhunzawm zel a la chak niin Mirror chuan an tarlang a. Falcao-a agent chuan Chelsea lama luh an ngaihtuah deuh niin a sawi.

Falcao leh a agent te hian kar khat chhunga £265,000 em em hlawh lova Chelsea pan chu an duhthusam a ni a. Nikum August thla khan Arsenal pawhin Falcao an rim a nih kha. Tottenham pawh Falcao duh zingah an la rawn lang zel a, Falcao hi che chhe mahse a inhliam vanga ngai la awh thei lo mai mai nia a lan avangin English Club liante chuan a hlawh tihhniam a nih chuan lakluh an hreh lo hlawm nia report a ni.

Chelsea chuan Diego Costa kawppui tur an ngaihven mek a, Loic Remy awm mahse striker pathum tal an neih loh chuan season an hman tluan theih an ring lo. Drogba chuan Chelsea chhuahsan a tum mek bawk si a. 

Copyright © inkhel.com 2024. All rights reserved.