Arsenal chuan Bayer Leverkusen atangin defender Piero Hincapie an la lut dawn ta a, club pahnih te hian inremna tluantling an nei ta niin The Athletic chuan a tarlang.

Arsenal hian tun season chhung atan Hincapie hi loan-in an la phawt ang a, nakkum nipui bazarah lei theihna an nei dawn. Arsenal hian an lei dawn a nih chuan €52million an thehchhuak ang a, hetah hian sell-on clause ziah tel a ni bawk.

Arsenal hian Ecuador international hi kum 5 chhung atan contract an zawrh nghal bawk a, hei hi kum 23 mi hian a pawm a, nakkum nipui bazarah a nghetin an inla lut ngei dawn niin a lang a ni.

Tun kar tawpah hian Hincapie hian German atangin London a pan ang a, medical te a neih zawhah phochhuah a ni ang. He defender chungchangah hian club pahnihte an indawrna a rei tawh a, Arsenal hian player thehchhuah an mamawh avangin hun a fan thui deuh mai chauh a ni.

Arsenal hian an defender Jakub Kiwior chu Porto lamah an kaltir dawn a, aman hi €25m  niin, bonus te nen €27m a kai thei dawn a ni.

Nikum December thla khan Hincapie hian Leverkusen-ah contract thar a ziak hlim hlawl a, a contract hian kum 2029 June thla thleng a daih a ni. German club hian chelh duh hle mah se, amah berin Bundesliga chhuahsan a duh avangin transfer a thleng thei ta a ni.

Hincapie hi ke veilam hmang thiam a ni a, left centre-back lamah te a khel thei a, tin, left-back lamah pawh a khel kual thei bawk.

Kum 2021 nipui lai khan Leverkusen chuan Hincapie hi Argentina club CA Talleres aṭangin an lei a, kum hnih khat chhung lekin Europe-a defender ṭha ber zingah a inhlangkai hman.

German Club tan game 166 a khel tawh a, Ecuador tan game 46 a khel tawh bawk. Tun season-ah Hincapie hi Leverkusen tan game hnih a inlan leh tawh a ni.

Leverkusen hian tun nipuiah hian player an hralh chhuak hnem hle a, Florian Wirtz, Jeremie Frimpong, Amine Adli, Granit Xhaka, leh Jonathan Tah te an thehchhuak tawh a, Xabi Alonso pawhin Real Madrid a pansan bawk a ni.