May ni 4,3015 Thawhlehni khan sports discipline thlan Assn 7 aiawhte chu MSSC secy. Pu C.Laltlanthanga hovin a pisaah Himalayan Region Sports Festival chungchang sawihona neih ani.

Mizoram State Sports Council Secretary Pu C Laltlanthanga chuan,"He festival hi Central sawrkar atanga ruahman niin disciplines pasarih - Taekwondo, Archery, Athletic, Football, Fencing, Judo leh Wrestling te chu infiamna item atana thlan an ni a. Himalaya ramria awm te inunauna tura central sawrkar buatsaih a ni.

"Central Sawrkar hian a ngaih pawimawh em avangin sum pawh kum khat atan 5 crore a dah nghe nghe. Inelna pawimawh tak a nih avangin infiammite pawh lo inbuatsaih lawk se a tha ang," tiin a sawi.

Ram/state tel turte - Nepal, Bhutan, North East States zawng zawng, J&K, Uttarakhan, Himachal Pradesh te an ni. Infiammi tel thei turte hi kum 18 hnuai lam leh chung lama then an ni dawn a, Team champion 10 lakhs, Runners up 6 lakhs leh 2nd runners up 4 lakhs te chu lawmman pek dan tur an ni dawn.

Mimal lawmmanah pawh pawisa fai thahnem tak thehchhuah a ni dawn a, Gold Rs. 10,000, Silver Rs. 8,000 leh Bronze Rs. 6,000 te a ni dawn. Guwahati emaw Imphal-in emaw he Festival hi an thleng dawn a ni.