Napoli chuan an club chhuahsan tur ang a sawi mek an striker Gonzalo Higuain man an chhiar a, £66m (€94.7m) aia tlawm chuan leichhuah theih a ni dawn lo tih an puang.

Argentine striker hian season liamta Serie A-ah khan goal 18 a khung a, a contract neih mekah leichhuah theihna zat (buy-out clause) a awm.

Thuthang lengvelah chuan Higuan hian Italian club hi a chhuahsan dawn niin sawi a awm a, hei vang hian Napoli lamin thuchhuah an siam a an striker leichhuah theihna zat pawh hi an tarlang tel.

Napoli hian, "Kan club-in Higuain chhuak tur anga ziah leh chanchinbu thenkhata tarlante hi a en liam mai mai lo. Chiang taka Napoli thuchhuak chu hei hi a ni: Gonzalo Higuain contract neih mekah hian leichhuah theihna zat a awm a, chu chu £66m a ni."

"Tun thleng chuan lei tum an la awm lo, lei duh chuan a zat kan tarlan hi an ngam a ngai ang." tiin thuchhuah an siam.