Wolfsburg director Klaus Allofs chuan Kevin De Bruyne chu chelh duh hle mahse Wolfsburg-a a hlawh let li thawk hlawh turin Manchester City chuan an sawm tak si avangin an chelh zo ta lo niin a sawi.
Tun nipui bazar lianta khan Manchester City chuan he Belgian midfielder kum 24 mi hi £55 million laiin Wolfsburg atangin an lei a. Wolfsburg chuan chelh duh hle mahse an chelh zawh loh chhan chu Man City sum ngah lutuk vang niin Klaus Allofs chuan a sawi.
"Hun rei tak chhung chu kan tang ve alawm, mahse hlawh kan pek theih let li laia tam pek an tiam tak siah chuan kan chelh thei ta lo a ni. Kevin-a pawh kan ngaihtuah thova, a damchhungin khatianga hlawh tha kha an zawrh tawh kher lo ve thei thova, chuvang chuan duhsakin kan chhuah tir ta a ni.
"Manchester City, PSG, Bayern Munich emaw Barcelona te hi keini chuan kan khan lo a ni, kan player-te hi chelh duh thin ve bawk mah ila a tak takah hi chuan thil theih loh a ni thin," tiin Wolfsburg director Klaus Allofs chuan FFP a hrilh.