Manchester United striker Javier Hernandez chu CONCACAF Gold Cup an khelh tur inpuahchahna game-ah a inhliam a, a khingkhang ruh (collarbone) tliakin damdawiinah hruai a ni.
Mexican striker hi minute 40-naah Honduras defender Brayan Beckeles nen ball an inchuh hnu lawkin a inhliam a, CONCACAF Gold Cup hi a khel thei hmel lo.
Kum 27 mi Hernandez hian season liamta khan loan-in Real Madrid a zawm a, La Liga-ah game 23 khelin game 7-ah inkhel bul a tan a goal 7 a khung.
Spanish club hian lei zui an tum lo tih a chiang tawh a, tunah hian hmalam hun chiang lo takin a awm mek a Manchester United chuan ram tan a inkhelh zawh hnu lamah an striker dinhmun hi tih chian an tum.
Sir Alex Ferguson-a'n Manchester United a enkawl laiin Hernandez hi kum 2010 khan a lalut a, United tan hian Premier League-ah goal 37 khungin game 49-ah inkhel bul a tan a, FA Cup-ah goal 6, League Cup-ah goal 6 leh Champions League-ah goal 10 a khung tawh.
Mexico national team tan pawh Hernandez hian game 74 khelin goal 40 a khung tawh bawk a ni.