Mexico leh Manchester United striker Javier Hernandez chu khingkhang ruh tliak vangin zai a ni a, Ningani khan hlawhtling taka zai a ni a, engtia rei nge a chawlh dawn a la sawi theih chiah lova, CONCACAF Gold Cup erawh a khel thei dawn lo chiang a ni.

July ni 7, 2015 hian CONCACAF Gold Cup khelh tan a ni tawh dawn a, hetah hian Mexico chuan Hernandez hi an chhawr thei dawn lova. Mexican Football Federation chuan twitter-ah hlawhtling taka Hernandez zai a nih thu an tarlang.

Nilaini khan friendly match-ah Mexico leh Honduras te an inhmachhawn a, hetah hian Hernandez hian a khingkhang ruh a titliak palh hlauh a ni.

A inhliam vangin United Pre-season training pawh a zawm mumal thei lo palh ang tih a hlauhawm hle. Season liamta khan Man Utd chuan Real Madrid lamah loan-in an kal tir a, Real Madrid chuan contract puitling an lo zawrh ta si lova, United lamah a kir leh ta. Engtin nge a khawsak chhunzawm dawn a hriat loh, Stoke City emaw Liverpool emaw a zawm thut maithei bawk a ni.