Liverpool captain Jordan Henderson chu Brighton nen an inhmachhawn tuma a inhliam avangin tun season-ah a inlan thei tawh dawn lo.
Henderson hian Brighton lakah a khup a ti na a, mahse zai a ngaih lo hlauh avangin season tharah erawh tha taka bul a tan theih a rinawm.
Tunkar khan Liverpool hian Brighton chu 3-1 in an hneha, he inkhelah hian English midfielder Henderson hi Yves Bissouma nen an inchilhnaah inhliamin, second half-ah lak chhuah a ni.
Henderson hian a khup hliam chungchangah scan nei tawhin, tun season-a league game li an la neih te chu Liverpool hian an captain tel lova an khelh a ngai dawn.
Liverpool hian July ni 22 hian Anfield-ah Chelsea lo mikhual dawnin, hei hi tun season-a an home game hnuhnung ber a nih avangin inkhel zawhah Premier League trophy an chawi dawna, hetah erawh Henderson hian trophy a chawi tur thu Liverpool manager Jurgen Klopp chuan a sawi a ni.