​Helicopter chesualah Kobe a thi

27th January 2020, 07:01AM

Pathianni zing (India ram sanaah chuan Pathianni zan) khan Basketball legend Kobe Bryant chu Calabasas-ah helocopter chesualah kum 41 mi niin a boral tih TMZ Sports chuan a tarlang.

Kobe hian veivahnan private helicopter a hmang nasa hle a, tun tumah pawh hian mi dang pathum nen an thlawk ho a, a tla tih hriat a nih veleh hian rang taka ngaihven ni mahse helicopter-a chuang mi 5 te chu an thi vek tih TMZ Sports chuan a tarlang. He chhiatnaah hian Kobe-a kawppui Vanessa Bryant erawh a tel lo a ni.

Lakers-a a khelh lai atang tawhin private helicopter hmanga zin nasa tak a ni a, a boral hmaa a chanchinthar neih hnuhnung ber chu LeBron James-a'n a records a khum chungchanga a lawmpuina a ni.

Kobe hi NBA player zinga ropui ber pakhat a ni a, All Star team-ah kum 20 a inkhelh chhungin vawi 18 a inlan. Kum 1996 draft khan thlan niin NBA-ah vawi 5 a champion tawh a, NBA Final MVP-ah vawi 2 thlan ni tawhin kum 2008 khan League MVP atan thlan a ni bawk. Basketball a chawlhsan hian Lakers chuan Kobe-a jersey number 8 leh 24 te chu a chawlhtir ve a, hetianga jersey chawlhtir hi Lakers-in hei chauh hi an nei nghe nghe a ni.

Copyright © inkhel.com 2024. All rights reserved.