Leicester City winger Demarai Gray chu helicopter hnung virin a lu a thuai bung lo hlauh a, stewards ten chhiatna rapthlak thleng tur an lo veng hman hlauh a ni.
Swansea City 4-0 a an hneh hnu lawk khan PFA award semna hmunah rang takin Leicester City player-te chu helicopter-in an thlawk nghal a. London-a Battersea Helliport-a an tum chu kum 19 mi Gary chu chhuk nghalin, helicopter hnung vir chu a pan chhe chhe mai.
Gary chu helicopter atangin a chhuak mek
Stewards chuan Gary chu a va chhan hman hlauh a ni.
Hmun him lamah an inhruai la.
Stewards chu ring takin a au thawt a, Gary kiangah va tlanphei nghalin a kun hniam tir a, hmun him lamah a hruai ta a ni. Gary kha pen khat chu han pen leh chiah selang chuan helicopter hnung vir khan a lu chu hmuh tlak lohvah a lo chhuah mai dawn a, a vannei hle a ni.
Mahrez pawh a lo hlauthawng hle
PFA award dawng thei Leicester City hian player pathum, Vardy, Mahrez leh N’Golo Kante te an nei a. Award semnaah hian Leicester City neitupa chuan a player-te chu tel vek se a duh avangin helicopter hmangin an kalna hi a ruahman sak. PFA award hlu tak chu Mahrez-a hnenah hlan a ni ta bawk a ni.
Pictures Credit : Fame Flynet