17 Sep 2015 01:59

Inkhel

Mizo Sports Website hmasa ber

​Hausa mahse Player tha Premier League-in an lei thei lo - Beckenbauer

Premier League hausak thu kan sawi kan sawi, mahse Premier League club ten khawvela player tha ber ber erawh an lei thei bik lo tih Germany Footballer ropui ni thin Franz Beckenbauer chuan a sawi chhuak.

Manchester United leh Manchester City te chuan tun nipui bazar chhungin player thar lei nan £100 million chuang seng mahse khawvela footballer tha ber ber Messi, Ronaldo leh Zlatan te erawh an chang thei lo. Tin, Manchester United chuan striker tha Thomas Muller lei tum mahse Bayern Munich atangin a lei chhuak thei lo bawk.

"Sum nei hnem hle mahse an duh zawng zawng an lei thei bik lo, Lionel Messi te, Cristiano Ronaldo te, Zlatan Ibrahimovic leh Thomas Muller te pawh an lei thei lo. Anni anga player tha Premier League hian player an nei lo a ni. Germany hian footballer tha ber ber kan kawl mek a ni", tiin Franz Beckenbauer chuan a sawi.

Transfer window hun chhunga Gotze chhuak tur anga a than lai khan Franz Beckenbauer hian Gotze chu Germany atanga chhuak lo tur leh Bayern Munich-a khel chhunzawm turin a chah a, a chah ang taka Gotze a cham ta chu a lawm em em thu a sawi bawk.