Robert Earnshaw hi Premiere League en thin chuan kan hre nual awm e. Norwich City, West Bromwich Albion, Cardiff City leh Derby County tan pawha khel tawh Welsh Striker hi Striker tha ber pawl ni lo mahse hat-trick siam thei ber pawl a ni lawi si.
Earnshaw hi 6 April, 1981 a piang niin Wales tan pawh Captain a lo ni tawh a, Wales tana goal thun hnem ber 7-na a ni. Striker sang lem lo tak niin Ft 5' 8 chiah a ni. Earnshaw hian Candian Club Vancouver Whitecaps tan a khel mek a ni.
Robert Earnshaw danglamna em em chu Premiere League, Championship, League One, League Two, F.A Cup, League Cup leh Wales tan hat-trick a siam thei hi a ni. A hnuaiah hian hat-trick a siamna record kimchang kan dah e.
1. Premiere League: West Bromwich Albion tana a khelh laiin Charlton lakah 19, March 2005 khan hat-trick a siam.
2. Championship: Championship-ah hian club 2 tan hat-trick a siam a. 13 September, 2003 khan Cardiff City tan Gillingham lakah a hat-trick hmasa zawk siamin, 5 December 2009 khan Nottingham Forest tan Leicester City lakah hat-trick a siam bawk.
3. League One: League One-ah pawh hian hat-trick vawi 2 a siam thei a. Cardiff City tan QPR (29 November, 2002) leh Tranmere Rovers(14 March 2003) lakah hat-trick a siam a ni.
4. League Two: Torquay lakah Cardiff City tan 2 December, 2000 khan hat-trick a siam bawk.
5. FA Cup: Cardiff City tan tho hat-trick siamin Bristol Rovers lakah 19 November, 2000 khan goal 3 a khung a ni.
6.League Cup: League Cup-ah pawh hian Cardiff City tan bawk hat-trick siam lehin Boston United(11 September, 2002) leh Leyton Orient (12 August, 2003) lakah goal 3 thum ve ve a khung thei bawk.
7. International: Wales tan pawh Scotland lakah 18 February, 2004 khan goal 3 a lo thun tawh a ni.
# Cardiff City tan hian hat-trick vawi 7 ngawt a siam thei a ni.