11 Oct 2020 08:06

inkhel

Hamilton-a’n Schumacher a nihrual ta

Lewis Hamilton chu Eifel Grand Prix-ah pakhatna a ni a, Michael Schumacher-a record siam, Formula One huanga vawi 91 chak theih record chu a nihrual ve ta.

World champion Lewis Hamilton hian Nurburgring-ah pahnihna atangin bul a tan a, pole position atanga bul tantu, a teammate Valtteri Bottas chu lap 13-naah a chet fuh loh avangin Hamilton hian hma a hruai theih phah a, a tawp thlengin ro a rel zui a ni.

Intlansiak tawpah hian Hamilton chu pakhatna a ni a, a hnung chiaha thleng Red Bull driver Max Verstappen aiin second 4.4 ngawtin a thleng hmasa a. Formula One huanga a luh hnuah vawi 91 a chak tling ta chiah a, German driver ropui Michael Schumacher chu a nihrual ta a. Schumacher hi kum 14 leh ni 10 kal taah khan China ramah pakhatna a ni a, record thar a siam chu khum thei an la awm lo a ni.

Kum 35-a upa Hamilton a chak ve leh hian Michael Schumacher-a fapa Mick Schumacher chuan British driver hi lawmpuina thilpek a hlan vat a. He thilpek hi Hamilton pawh hian lawm takin a dawng a, a lawmzia lantir nan a thil dawn chu a lek kang va va a ni.

Eifel Grand Prix-ah hian Red Bull driver Max Verstappen chu pahnihna niin, Renault driver Daniel Ricciardo chu pathumna a ni a. Racing Point driver Sergio Perez chu palina niin, panganaah McLaren driver Carlos Sainz chu a awm bawk a ni.

Alpha Tauri driver Pierre Gasly, Ferrari driver Charles Leclerc, Racing Point driver Nico Hulkenberg te chu an hnungah hian an awm bawk a. He intlansiakah hian driver 15 chu a tawp thleng an tlan a, tlan tluanchhuak thei lo hi driver panga an awm a ni.

Kawng khatah Lewis Hamilton chuan Michael Schumacher a nihrual thei ta a, Formula One driver zinga F1 driver title la hnem ber record pawh khum theih a la tum mek bawk a. German driver Schumacher chu vawi 7 a champion hman a, hei hi British driver Hamilton hian a hnaih ve tial tial a ni.

2020 F1 Eifel Grand Prix Result

1. Lewis Hamilton, Mercedes AMG Petronas Formula One Team
2. Max Verstappen, Aston Martin Red Bull Racing
3. Daniel Ricciardo, Renault F1 Team
4. Sergio Perez, BWT Racing Point F1 Team
5. Carlos Sainz, McLaren F1 Team
6. Pierre Gasly, Scuderia AlphaTauri Honda
7. Charles Leclerc, Scuderia Ferrari
8. Nico Hulkenberg, BWT Racing Point F1 Team
9. Romain Grosjean, Haas F1 Team
10. Antonio Giovinazzi, Alfa Romeo Racing Orlen
11. Sebastian Vettel, Scuderia Ferrari
12. Kimi Raikkonen, Alfa Romeo Racing Orlen
13. Kevin Magnussen, Haas F1 Team
14. Nicholas Latifi, Williams Racing
15 Daniil Kvyat RUS Scuderia AlphaTauri Honda + 55.588
DNF
Lando Norris, McLaren F1 Team
Alexander Albon, Aston Martin Red Bull Racing
Esteban Ocon, Renault F1 Team
Valtteri Bottas, Mercedes AMG Petronas Formula One Team
George Russell, Williams Racing

Driver Standings

1. Lewis Hamilton - 230
2. Valtteri Bottas - 161
3. Max Verstappen - 147
4. Daniel Ricciardo - 78
5. Sergio Pérez - 68
6. Lando Norris - 65
7. Alexander Albon - 64
8. Charles Leclerc - 63
9. Pierre Gasly - 53
10. Carlos Sainz - 51

Constructor Standings

1. Mercedes AMG Petronas Motorsport - 391
2. Aston Martin Red Bull Racing - 211
3. SportPesa Racing Point F1 Team - 120
4. McLaren F1 Team - 116
5. Renault F1 Team - 114
6. Scuderia Ferrari - 80
7. Scuderia AlphaTauri Honda - 67
8. Alfa Romeo Racing - 5
9. Haas F1 Team - 3
10. Williams Racing - 0