Hamburg chuan kum 52 chhungzet an lo khelh tawh Bundesliga kalsan an tum lo va, Thawhtanni zan khan relegation play-off second leg-ah 2-1 in Karlsruher an hneh a season thara Bundesliga khelh chhunzawm turin an tling.

Thawhtanni zana inkhelah hian hun pangngaiah 1-1 in an in draw a, extra time minute 115-naah Hamburg tan Nicolai Muller chuan goal a khung a hei hi an himna a ni bawk.

First leg-ah 1-1 in an in draw tawh a, goal belhkhawmah Hamburg hi 3-2 in an a chak.

Second leg-ah hian first half-ah goal a lut lo va, Karlsruher tan minute 78-naah Reinhold Yabo chuan goal a khung a Hamburg an talbuai.

Hamburg hi an chak dawn lo emaw tih tawh hnuah an lo tho va, hun pek belh minute 91-naah Marcelo Diaz chuan freekick atangin an si phurh a sut a extra time khelh a ngai.

Extra time-ah pawh hian first half-ah goal a lut lo va, penalty hmanga chak zawk zawn a ngai mai hmel a team pahnihte'n goal chhuah an hlau a goal khung pawh an tum ve ve.

Minute 115-naah Hamburg lawna a thleng a, Nicolai Muller chuan Cleber ball pek chiang takin a pet goal a an sapatal a ni ber e.

Huntawp hma hret minute 120-ah Karlsruher lamin penalty an hmu a, Rouwen Hennings chuan a pet a Hamburg goalkeeper Rene Adler-a'n alo dang si a Bundesliga an beiseina a tawpzui ve nghal.

Kum 1963 atangin Hamburg hian Bundesliga an la khel char char a, German club zingah Bundesliga atanga la tla thla lo awmchhun an ni.

Season liamta pawh khan play-off hmang bawkin an lo in ham tang tawh a, away goal hmangin Greuther Fuerth an hneh hram.