Halep leh Nadal an chungnung zel

29th October 2018, 10:10PM

Romanian star Simona Halep chu Women’s Tennis Association ranking chhuak thar berah a chungnung berah a la awm chhunzawm zel a, German star Angelique Kerber chu Halep hnaih bertu a ni.

Simona Halep hian point 6,921 a hmu a, World No. 1 hi a la nih chhunzawm zel a, a sang fal rih hle nghe nghe a. Amah hnaih bertu Angelique Kerber chuan point 5,875 a hmu a, pathumna dinhmun luahtu Denmark star Caroline Wozniacki chuan point 5,586 a hmu bawk.

Elina Svitolina, Ukraine chu palinaah awmin point 5,350 a hmu a, a hnuai chiahah hian point 5,115 hmuin Japanese tleirawl Naomi Osaka chu a awm a. Sloane Stephens, USA chuan point 5,023 a hmu a, parukna dinhmun a luah mek a, pasarihnaah hian point 4,630 hmuin Petra Kvitova, Czech Republic chu a awm a ni.

Karolina Pliskova, Czech Republic chuan point 4,465 a hmu a, pariatna a ni a, Kiki Bertens, Netherlands chu pakuanaah awmin point 4,335 a hmu a, Daria Kasatkina, Russia chuan point 3,315 hmuin sawmna a ni mek bawk a ni.

Association of Tennis Professionals world singles ranking lamah Rafael Nadal um pha thei an la awm chuang lo a, Nadal chuan point 7,660 hmuin World No. 1 a la ni.

Serbian Novak Djokovic chu pahnihnaah awmin point 7,445 a hmu a, a hnuai chiahah hian Switzerland star Roger Federer a awm a, point 6,260 a hmu mek bawk.

Juan Martin del Potro, Argentina chuan point 5,460 hmuin palina a ni mek a, panganaah hian point 5,115 hmutu Alexander Zverev a awm a, Kevin Anderson, South Africa chu paruknaah awmin point 4,230 a hmu a ni.

Pasarihnaah point 4,050 hmtu Marin Cilic, Croatia chu a awm a, Dominic Thiem, Austria chu a hnuai chiahah hian a awm a, point 3,825 a hmu a. Point 2,425 hmutu John Isner, United States chu pakuana niin, Grigor Dimitrov, Bulgaria chuan point 3,335 hmuin Top 10 ah a lang pha chiah bawk a ni.

WTA ranking:

1. Simona Halep (Romania) - 6,921

2. Angelique Kerber (Germany) - 5,875

3. Caroline Wozniacki (Denmark) - 5,586

4. Elina Svitolina (Ukraine) - 5,350

5. Naomi Osaka (Japan) - 5,115

6. Sloane Stephens (USA) - 5,023

7. Petra Kvitova (Czech Republic) - 4,630

8. Karolina Pliskova (Czech Republic) - 4,465

9. Kiki Bertens (Netherlands) - 4,335

10. Daria Kasatkina (Russia) - 3,315

ATP ranking:

1. Rafael Nadal (Spain) - 7,660

2. Novak Djokovic (Serbia) - 7,445

3. Roger Federer (Switzerland) - 6,260

4. Juan Martin del Potro (Argentina) - 5,460

5. Alexander Zverev (Germany) - 5,115

6. Kevin Anderson (South Africa) - 4,230

7. Marin Cilic (Croatia) - 4,050

8. Dominic Thiem (Austria) - 3,825

9. John Isner (United States) - 3,425

10. Grigor Dimitrov (Bulgaria) - 3,335

Copyright © inkhel.com 2024. All rights reserved.