Haier Aizawl Distric Football Association 1st Division League hmasa ber chu October 5, 2015 (Thawhtanni) khan AR Lammualah khelh tan a ni a. Aizawl FC Academy leh Ramhlun North FC te chuan an khingpui an hneh ve ve a ni.
Vawiin inkhel hmasa zawkah Aizawl FC Academy chuan sithum faiin Upper Republic FC an hneh a, Aizawl FC Academy tan Jonathan Lalrawngbawla chuan goal hnih khungin, Rochharzela chuan goal khat a khung ve bawk. Hun tawp dawn minute khat la awmah Aizawl FC Academy atangin Lalbiakkima hnawhchhuah a ni a. Aizawl FC Academy chuan point 3 an hlawh chhuak nghal a ni.
Upper Republic FC 0-3 Aizawl FC Academy
(Jonathan Lalrawngbawla 7', 15', Rochharzela 80')
Inkhel hnuhnung zawkah Ramhlun North FC chuan 3-2 in Chaltlang FC an hneh ve bawk. Inkhelh tan atang a minute 5 lekah Chaltlang FC tan Lalawmpuia chuan goal hmahruai a khung a, minute 9-ah Ramhlun North FC chuan penalty an hlawh chhuak, Vanrammawia chuan penalty chu petin Chaltlang FC goal Kepper Lalthakima chuan tha takin a lo dang.
Ramhlun North FC chuan an siphur chu rulh ngei tumin counter attack a an nawr hnuah Lalthanmawia chuan 30 mins-ah an si phurh a rul, first half hun tawp nan minue 1 la awmin Lalthanmawia chuan goal a khung leh hlauh a, 2-1 in Ramhlun North FC chuan half time a nihin hma an hruai ta a ni.
Second half-ah Chaltlang FC rawn insiam thain an nawr na hle, goal erawh an thun mai thei lo, minute 75-ah Lalramliana chuan chaltlang FC tan goal a khung leh ta 2-2 in an in hneh tawk, chakzawk zawm loin hun a tawp mai dawn emaw tih hnu huntawp nan minute 1 pawh a awm tawh lo tihah Ramhlun North FC chuan penalty an hlawh chhuak hlauh a, penaty chu Lalhmachhuana chuan goal-ah chantirin 3-2 in Ramhlun North FC chuan hnehna an changin point 3 an hlawh chhuak ve ta nghal a ni.
Chaltlang FC 2-3 Ramhlun North FC
(Lalawmpuia 5', Lalramliana 75',) ( Lalthanmawia 30', Lalruatfela 45+1', Lalhmachhuana 90+3',)
October 6, 2015 Thawhlehni Fixtures
12:00 PM FC Kulikawn vs Chawnpui FC
02:00 PM Electric Veng FC vs Chhinga Veng FC