27 Oct 2015 03:53

PC Lala

inkhel correspondent and photographer

Haier League : Chawnpui FC-in 2-1 in Chaltlang FC an hneh

Haier Aizawl District Football Association (ADFA) 1st Division League Round 6  nikhatna chu October 26, 2015 (Thawhtanni) khan khelh a ni a, match  hnih awmin, Chawnpui FC chuan an khingpui Chaltlang FC an hneh laiin FC Kulikawn leh Ramhlun North FC-te erawh an inhnehtawk.

October 28, 2015 (Nilaini)-ah Round 6 khelh zawh a ni anga, dar 12:00 PM-ah Electric Veng FC leh Aizawl FC Academy ten an khel ang a, chawhnu dar 2:00 PM-ah FC Kulikawn leh Chhinga Veng FC ten an khel bawk dawn a ni.

Chawnpui FC 2-1 Chaltlang FC

(Lalbiaknia 2', 90') (Lalhriatchhunga 57')

Chawnpui FC XI : Vohtea, Renthlei Hruaia, Thlamuana, Ruatfela, Manghaka, Avid-a, Tluanga, Zara, Laltana, Biaknia, Zawmtea

Subs: Chda, Achhuana, Zodina, Richard, C Rinsanga, Bonny, Hmingthana, Sangtea, Zaimawia

Chaltlang FC XI: Akuma, Rinawma, John, T2-a, Caleba, Puitea, Rba Selate, Chala, Ventea, Awmpuia, Awmtea

Subs: Chhungtea Ralte, CS Vaiphei, Zawmsanga, Duha Hrahsel, Papuia, Israel, Marcus, Mapuia, Thakima

Inlkel hmasa zawkah Chawnpui FC chaun 2-1 in Chaltlang FC an hneh a. Chawnpui FC tan Lalbiaknia chuan goal hnih khungin, Chaltlang FC tan Lalhriatchhunga chuan goal khat a khung ve bawk.

Inkhel tan atanga minute 2 na lekaha Chawnpui FC chuan penalty an hlawhchuak, he penalty hi Lalbiaknia chuan goal-ah a chantir a, goal dang luh belh lovin, chawlhlawk an hmang.

Second half-ah Chaltlang FC tan atanga minute 12-ah Lalhriatchhunga chuan Chaltlang FC  siphurh a rul. Chaltlang FC hian inkhel thunun viau mahse goal erawh an thun bel thei bik lo, huntawp dawn tak takah Chawnpui FC chuan penalty an hlawhchhuak leh ta hlauh mai.

Lalbiaknia bawk chuan petin Chaltlang goalkeerper veilamah mawi takin a khung a, Chawnpui FC chuan 2-1 in hnehna an changin ta a, point 3 hlu tak an hlawhchhuak.  Khelh rukah point 11  nei tawhin,  Aizawl FC Academy nen an point neih zat a in ang ta a ni. 


FC Kulikawn 1-1 Ramhlun North FC

(Vanlallawma 4') ( Jacob Lalhruaisanga 2')

FC Kulikawn XI: Thanpuia, Mamawia, Benben, Hruaizela, Manuna, Tluangtea,Mama, Lawma, Eric, Duhtea, Vala

Subs: VL lawma, Mawmawia, Sena, Robert, Jojo, Kima

Ramhlun North FC XI: John, Muantea, Rohlua, Mapuia, Buangpuia, Hlutea, Rfa, Duhsanga, David Tlau, Ruatfela, Hruaisanga

Subs: Rick, Mawitea, Chhartea, Ramthara, Raymond, Fakawma, Remruata, HT Khawlhring, Malsawma

Inkhel hnuhnung zawk hi tlai dar 2:00 PM-ah tan a ni a, FC Kulikawn leh Ramhlun North FC inkhelah goal khat ve ve lutin, an inhneh tawk a, point 1 ve ve an hlawhchhuak. Goal lut te hi first half-a lut ve ve a ni a, inkhel tan atanga minute 2-ah Ramhlun North FC tan Jacob Lalhruaisanga chuan goal hmahruai khungin, FC Kulikawn tan minute 4-ah Vanlallawma chuan an siphurh sut na goal a khung ve bawk.  FC Kulikawn hian vawi nga khel tawhin, point 8 an nei tawh a, Ramhlun North FC hian vawi ruk khel tawhin, point 8 an nei ve tawh bawk.