Haier ADFA 1st Division League Round 4 ni khatnaah Chaltlang FC an Ropui

22nd October 2015, 12:10AM

Haier Aizawl District Football Association (ADFA) 1st Division League Round 4 ni khatna chu October 21, 2015(Nilaini) khan khelh zawh a ni a, Upper Republic FC leh FC Kulikawn inhnehtawk niah Chaltlang FC chuan an khingpui Electric Veng FC hnehin, Table-ah palina din hmun an hauh ta a ni.

Upper Republic FC 3-3 FC Kulikawn

(David Vanlalkima 2', Lalzatluanga 68', 89') (Benjamin Laltlingzova 30', 90+1', Lalhmangaihtluanga 54')

Upper Republic FC XI: Biaktea, Ess-a, V Ruatsanga, Thawmmawia, Tin Tina, Mawia JH, Chta, Mapuia Hmar, David, MS Tluanga, Zatea,

Subs: Biakkima, Israela, Mapuia, Aldrin, Dawngtea, Na Nunga, Rinliana, Harvey

FC Kulikawn XI: Thanpuia, Mamawia, Bebben, Hruaizela, Samuela, Tluangtea, Zoramsanga, Eric, Lawma, Duhtea, Robert

Subs: Mawmawia, Sena, Zautea, Dintluanga, HT Khawlhring

Vawin inkhel hmasa zawkte hi table-a mawngphah nilai Upper Republic FC leh parukna ni mek FC Kulikawn te an ni a, inkhelh tan atanga minute hnihna lekah Upper Republic FC tan  David Vanlalkima chuan goal hmahrui a khung a, minute 30-ah Benjamin Laltlingzova chuan FC Kulikawn si phurh a rul a, 1-1 in chawlh lawk an hmang.

Second half-ah FC Kulikawn chuan minute 54-ah penalty an hlawh chhuak, Lalhmangaihtluanga chuan goal-ah chan tirin 2-1 in hma an hruai a, Upper Republic FC chuan minute 68-ah penalty hlawh chhuak ve leh in, Lalzatluanga chuan chhuih goal ve lehin, an siphur a rul leh a, minute 89-ah Lalzatluanga bawk chuan goal thum na a thun leh a, Upper Repblic FC hian hnehna an chang tawh mai dawn emaw tih hnu hun tawp dawn minute 1-ah FC Kulikawn tan Benjamin Laltlingzova bawk chuan goal a rawn khung hlauh mai a, 3-3 in an inhnehtawk ta a, point khat ve ve an hlawh chhuak ta a ni.

Upper Republic FC hian khelh ngaah point 1 hlawhchhuak in Table-ah a mawngphah an ni chhunzawm ta rih a ni. FC Kulikawn hian khelh thumah point 4 hlawh chhuakin, Table-ah pa sarihna an ni ta a ni.


Chaltlang FC 1-0 Eletric Veng FC

(Lalvensanga 74')

Chaltlang FC XI: Akum, Chhunga Ralte, Rinoma, Rb-a Selate, Puitea, T2a, Ventea, John, CS Vaiphei, Caleba, Tevala

Subs: Thakima, Jacob, Duha Hrahsel, Zawmsanga, Mapuia, Michael, Omtea, Joseph, Rady

Electric Veng FC XI: Lalkhawa, Simona, Siamthara, Papanga, Rinchhana, Pati-a, Jon-a, Mahlimpuia, Lra, Sawmdawnga, Hriata

Subs: Tete-a, Zara, Nunga, C sanga, Zela, Sawmpuia, Stephen, Ramhluna, Sangzela

Inkhel hnuhnung zawk hi tlai dar 2:00 PM-ah khelh tan a ni a, Chaltlang FC leh Electric Veng FC-te in hmachhawnin, 1-0 in Chaltlang FC hian hnehna an chang ta a ni. Goal awmchhun hi second half-a lut a ni a, Chaltlang FC tan minute 74-ah striker Lalvensanga  tun a ni. Chaltlang FC hian vawi li khelhah point 6 hlawh chhuakin Electric Veng FC nen hian point 6 ve ve nei tawh mahse goal difference-ah Chaltlang FC an hniam zawk avangin Table-ah palina an hauh ta a ni. Electric Veng FC hian khelh thumah point 6 nei ve bawkin, Table-ah pathumna dinhmun an la humhim rih bawk.

October 22, 2015 (Ningani) Round 4 ni hnihna Fixtures:

12:00Pm Ramhlun North FC vs Chawnpui FC

02:00PM Aizawl FC Academy vs Chhinga Veng FC

Copyright © inkhel.com 2024. All rights reserved.