Haier Aizawl District Football Association (ADFA) 1st Division League Round 5-na chu October 24, 2015 (Inrinni) khan khelh zawh a ni a, inkhel vawi hnih awmin, Electric Veng FC leh Chawnpui FC inhneh tawk niah Aizawl FC Academy chuan an khingpui Ramhlun North FC an hneh. October 26, 2015 (Thawhtanni) ah Round 6-na khelh chhunzawm leh a ni ang a, dar 12:00 PM-ah Chawnpui FC leh Chaltlang FC ten an khel ang a, chawhnu dar 2:00 PM-ah FC Kulikawn leh Ramhlun North FC ten an khel leh dawn a ni.
Electric Veng FC 0-0 Chawnpui
Chaltlang FC XI : Nunga, Simon, Hriata, Siamthara, Hriatpuia, Rinchhana, Chhana, Kimkima, Lra, Zara, Pati-a
Subs: Tete-a, Ramhluna, Zela, Sawmdawnga, Sawmpuia, Sangzela, Lalkhawa, Hmangaiha, Tat-a
FC Kulikawn XI: Vohtea, Renthlei Hruaia, Thlamuana, Chda, Laltana, Achhuana, Avid-a, Zodina, Sangtea, Biaknia, Zawmtea,
Subs: Ruatfela, Tluanga, Manghaka, Richard, Bony, C Rinsanga, Tlanenga, Hmingthana, Dawngkima
Vawiin inlkel hmasa zawkah Electric Veng FC leh Chawnpui FC inkhelah goal lut awmlo in an inhneh tawk a, pont khat ve ve hlawhchhuakin, Electric Veng FC hian khelh ngaah point 7 an nei tawh a, Chawnpui FC hian khelh ngaah point 8 nei tawhin Table-ah pahnihna an hauh ta a ni.
Ramhlun North FC 1-3 Aizawl FC Academy
(Raymond Zorammawia 6') (VL Thazuala 53', Lalawmpuia Hnamte 77', Lalnuntluanga 85')
Inkhel Hnuhnung zawkah Aizawl FC Academy chuan 3-1 an khingpui Ramhlun North FC an hneh.
Inkhelh tan atang a minute 6-ah Ramhlun North FC tan Defender Raymond Zorammawia free kick pet chu mawi takin a lut, Aizawl FC Goalkeeper David-a chu ache hman lo, Aizawl FC Academy chuan goal thunna chance tha nei mahse goal an thun thei lo, Ramhlun North FC chuan 1-0 a hmahruaiin, chawlh lawk an hmang.
Second half-ah Aizawl FC Academy te in siam thain, Minute 53-ah Rochharzela ball vawr tha zet chu VL Thazuala chuan box chhungah la lutin, Ramhlun North goalkeeper dinglamah mawitakin an siphur na goal a chhuih lut. Chawnpui FC chuan nawr let viau mahse clear chance erawh an nei thei lo.
Minute 77-ah Aizawl FC Academy Striker JoJo Lalrawngbawla ball pek tha zet chu midfielder Lalawmpuia Hnamte chuan goal-ah awlsam takin a chhuih lut , Aizawl FC Academy chuan 2-1 in hma an hruai. Ramhlun North FC chuan counter attack-in nawr let viu mahse goal an thun mai thei tawh lo, Aizawl FC an che tha tual tual thung, hun tawp dawn minute 85-ah mual dinglam atang a Rochharzela ball vawrh thlak chu boxs chunga lo awm Midfielder Lalnuntluanga chuan mawi takin akhung, 3-1 in Aizawl FC Academy chuan hneh na an chang ta a, point thum hlu tak an hlawhchhuak, point 11 nei tawhin, table-ah hma an hruai chhunzawm zel a, Ramhlun North FC hian vawi nga khel tawhin point 7 an nei tawh bawk a ni.