Gym Challenge 7 (Battle of Districts) a hmuhnawm dawn

14th November 2019, 09:11PM

Mizoram State Mixed Martial Arts Association (MISMA) buatsaih Gym Challenge chuan tun calendar year atana event hnunhnung ber Gym Challenge 7 a huaihawt leh dawn ta a, SPES gym, Dawrpui West-ah zan dar 07:30pm ah fight hmuhnawm tak a en theih dawn. Fighter-te tanpui nan entry hi Rs.50 zel a ni ang. Hemi rual hian State & National Level Official Seminar huaihawt nghal tur a ni a, District paruk: Aizawl, Lunglei, Serchhip, Lawngtlai, Siaha & Kolasib aṭangin official an tel dawn. Tin, Gym Challenge season closing chu pui taka December thlaa cage chhung ngeia huaihawt tur a nih laiin State Games awm tur vangin January lamah postpone leh a ni.

Gym Challenge 7-ah hian bout 3 chiah a awm dawn a, amaherawhchu, a hmuhnawm dangdai dawn hle. UFC 1 ang deuh khan weight category inang lo tak tak an intum dawn a, mipa leh mipa incho an nih angin kha 5 atang kg 10-a inthlaute an ni hlawm. Aizawl lam fighter-te hi an zang hlawm hle a, mahse sportsmanship spririt lantirin fight hi an pawm a ni.

Fight Card

1. Benjamin Lalnghakmawia, Dawrpui, Aizawl District vs Lalnunpuia, Lungpuizawl, Lunglei District (Bantam)

2. Khawma, Luangmual, Aizawl District vs Lalhmangaihsanga, Venglai, Lunglei District (Straw)

3. Joshua Tochhawng, Mission Vengthlang, Aizawl District vs Vs Lalrinsanga Lungmuat, Lungmuat, Kolasib District (Feather)

Copyright © inkhel.com 2024. All rights reserved.