Tunhnai transfer hun in hawn apianga chhuak tur ni a an sawilan fo Ilkay Gundogan chuan Borussia Dortmund chhuahsan a tum lo tih chian nan contract thar a ziak.

Kum 24 mi Gundogan hian a contract neihsa kum hnih chhung atan a pawtsei a, heti hian kum 2017 June thla thleng German club-ah hian contract a nei ta a ni.

German midfielder hi Arsenal leh Manchester United-in lakluh an duh niin sawi a tam hman hle a, £21.5m-a leichhuah theih mai nite pawhin an tarlang hman bawk.

Contract a ziahfel hnuin Gundogan chuan, "Borussia Dortmund tan ka khel chhunzawm thei tur leh inremna kan saim thei hi ka lawm a, tunah chuan pre-season atan rilru ka pe thei tawh ang." tiin a sawi.

Dortmund sporting director Michael Zorc pawhin Gundogan hi an chelh theih dawn avangin an lawm tih a sawi a, an club-in an tangkaipui zui zel a ring tih a sawi bawk.