Manchester City midfielder Yaya Toure-a agent Dimitri Seluk chuan Bayern Munich manager Pep Guardiola chu khawvelin a nihna baka thain an ngai nia a hriat thu a sawi chhuak.
Guardiola chuan tun season tawp rual hian Bayern Munich a chhuahsan dawn tih a sawi chiang. Man City chuan Pellegrini chhuahtira, Guardiola lakluh an tum mek niin a lang. Man City-a Guardiola a luh chuan Yaya Toure a chhuah tir leh ngei a rinawm tlat. Guardiola hian Barcelona a enkawl lai khan Yaya Toure hi a game plan-ah a tel loh thu a sawi hnu lawkah a chhuah tir a nih kha.
Dimitri Seluk chuan,"Pep hi coach tha tak chu a ni alawm, mahse Barcelona leh Bayern Munich-te title a lakpui. A nihna takah chuan ka pu pawhin Barcelona leh Bayern Munich hi enkawl ve chiah selang chuan a champion pui ve thei thovang, a chhan chu club ropui an ni miau a.
"League-a club vantlang ho hi enkawl ve chhin se a champion pui thei angem tih ka hre chak khawp mai," tiin Guardiola chungchang a sawi chhuak. Dimitri Seluk hian 2010-a Ivorian midfielder leh Guardiola chungchang sawi chhunzawmin,
"Guardiola hian enge a thil tum tih erawh ka hre hauh lo. Barcelona-ah khan kan lo hmu tawh a, City-ah a rawn kal a nih chuan Yaya hi a chhuah tir leh ngei ang. Chu erawh thleng lo hram se ka duh a ni," tiin.
Source : Sunday Mirror
picture credit : Bob Thomas Sports Photography