Bayern Munich manager Pep Guardiola chuan tun nipui transfer-a chanchin ngah tak an midfielder Bastian Schweinsteiger chu chhuak lo turin a duh thu a sawi a, mahse player thu thu a ni tih a sawi.

German midfielder hi Manchester United nen sawizawm ber an ni a, hmalam hun chiang lo takin a awm mek.

Bayern sporting director Matthias Sammer chuan an midfielder hi tun nipuia chhuak maithei ni awmin a sawi tawh a, kum 30 mi Schweinsteiger hian kum khat daih contract ala nei.

An midfielder chungchang hi sawiin Bayern manager Guardiola chuan, "Basti chungchang hi ka sawi tawh a, ka chhiar a ka hre bawk, a hmalam hun chu ama kuta awm a ni."

"A chhuak lovin ka ring a, mahse hei chu ama thutlukna siam theih a ni. A chhuak lo anih chuan ka tan thutlukna tha tak ani ang a player tha a ni." tiin a sawi.