Manchester City chuan an game dawt lehah Chelsea chu Stamford Bridge-ah an luhkhung dawna, City manager Pep Guardiola chuan Chelsea boss Maurizio Sarri chu fakin, Sarri chuan hun reilote chhungin Chelsea-ah hna a thawk tha hle niin a sawi.

Pep chuan, “Hun reilote chhunga Sarri-a hnathawh hi keichuan a tha hle in ka hria. Mi thenkhat chuan inkhel hmuhnawm tak chhawpchhuah hi a harsat zia an hre lova, hun a ngaih tam zia hi an hrethiam lo.

“Chelsea hian minute 90 chhung mar patin an khel thei rih lo a ni maithei, mahse minute 50 emaw 60 bawr chu tha takin an khel a, an khel a hmuhnawm hle.Chelsea lakah hian fiahna lian tak kan hmachhawn dawn a, hun pawimawh takah team tha ber zinga mi kan hmachhawn dawn. Game hnih a zawna an tlawm chu an chhanlet dan kan hmu ang.

“Chelsea hian a zawna vawithum tlawm nih an duh dawn lo tih ka hria a, chuvang chuan kan tan fiahna lian tak a ni dawn. Stamford Brige-a khelh hi a khirh em em a, a tam zawkah chuan ka tlawm thin. Khelmual chhung boruak hi a na em em a, team tha tak an ni bawk,” a ti.

City hian tun Premier League season kal mekah hneh loh an la nei lova, Chelsea hi game 12 chhung tlawm lovin kal mahse, tun hnaiah an chak lo chho zeuh zeuha, insiamthat an ngai a, City lakah hian eng nge an an dawn tih chu football khawvel hmuh chak pakhat a ni.