11 Feb 2019 10:58

inkhel

​Guardiola-a’n a player-te a fak

Manchester City chuan Premier League inkhelah Chelsea chu Etihad Stadium-ah an lo mikhuala , City hi an mikhual lakah che mawi lo hle in 6-0 laiin an lo sawp.

City tan hian Sergio Aguero chuan hattrick a siam bakah, Raheem Sterling chuan goal hnih a khunga, Ilkay Gundogan pawhin goal khat a khung ve bawk. Chelsea lam an che thei lova, City erawh a bu ang thlapin an khel a ni ber.

City boss Pep Guardiola chuan a player-te fakin, an hnenah lawmthu a sawi thu a sawi bawk. Guardiola chuan, “Ka player te hnenah khan an thil tih avang khan lawmthu ka sawi hmasa ber. Newcastle lakah result duhawm loh tak kan nei a, mahse kan inen leta, chak zawkin kan lo kir.

“Kar khat chhungin game thum kan khela, game harsa tak tak Arsenal lakah leh Goodison Park-ah te kan khel a, chuti chung chuan ka player-te khelh dan kha an fakawm hle. Hmahruaitu kan ni a, mahse Liverpool aiin khelh khatin kan khel tam zawk,” a ti.

Chelsea laka hattrick siamtu Sergio Aguero chungchang sawi zuiin Barcelona boss hlui chuan, “Ka sawi fo tawh thin angin Sergio hian season tinin goal tam tak a khung thin. Hetiang ang player, khel tha mar pat reng ho hian ka ngaina em em a, player naupang rawn luta hun rei tak awm te pawh hi ka ngaihnat zawng an ni.

“Chelsea lakah goal ruk kan khunga, kan khelhdan kha a hmuhnawm hle bawk. Ka player-te thawhrah vek a ni a, an fakawm hle a ni,” a ti.