Group A atangin Chile leh Bolivia an tlang

20th June 2015, 02:06PM

Copa America Group A lamah quarter-final lut tur tih chian a ni ta.

Inkhel hmasa ah Ecuador in 2-1 a Mexico an lo hneh tawh avangin Chile leh Bolivia te inkhel hi group leader zawnna mai a ni tawh a ni.

Artur Vidal chuan field pawn lamah chanchin thalo neuh neuh nei mahse field chhungah erawh harsatna engmah a nei lo.

Chile in 5-0 laia Bolivia an hnehna ah hian Chile hian goal an thun hma hle a, inkhel tan atanga min 3 lek a liam tih in Aranguiz chuan an hmahruaina goal a thun nghal.

Goal dang thun leh tumin Chile hian an nawr na tawlh tawlh a, min 19-na ah Sanchez chuan free-kick pet in goal ban a per hlauh a, hemi hnu hian goal bar a tih per leh bawk.

Arsenal forward hian goal a thun ta nge nge a, Jorge Valdivia ball cross thazet mai chu min 37-na ah a tauh goal a ni.

Bolivia beiseina ti tawp turin Aranguiz bawk a rawn che leh a, min 66-na ah Chile goal tumna thun leh in Medel an Bolivia goal 4-na a thun hnuah hun tawp dawn min 4 vel lek a awm tawh tihin Raldes chuan anmahni lamah a ti lut palh hlauh bawk a, Chile hi 5-0 laiin an chak ta a ni.

Chile hian point 7 hmu in Group A leader an ni ta a, Bolivia hi pahnihna ah awmin point 4 an hmu bawk a, Ecuador leh Mexico te chuan an puanthuah telin an haw thei ta bawk a ni.

Copyright © inkhel.com 2024. All rights reserved.