Rafael Nadal chuan 6-3 6-0 6-3 a Facundo Bagnis hnehin French Open round three a lut a, he hnehna hi Nadal-a tan chuan Grand Slam-a vawi 200 hnehna a channa a ni.

Roland Garros-ah title 10 lak tum Nadal hian second round match-ah hian world number 99 lakah game hmasa pahnih la lo mahse tha takin a khel chhunzawm a, hnehna a chang ta a ni. Round three-ah Marcel Granollers a hmachhawn ang.

Novak Djokovic pawhin awlsam takin Steve Darcis chu 7-5 6-3 6-4 in a hneh a, Round three a lut ve ta bawk. Vawi thum lai lo champion tawh leh champion lai Serena Williams chuan Brazilian Teliana Pereira chu 6-2 6-1 in a hneh a, first round-ah minute 42 chhung lekin Serena hian Magdalena Rybarikova chu a lo hneh tawh bawk a ni.

Vawiin hian Murray chuan 3rd round-ah Karlovic a hmachhawn dawn a, Raonic pawhin Martin a hmachhawn bawk ang. Results kimchang :  hetah