Grand Slam 400 khelhnaah Federer a chak

01st June 2019, 02:06AM

Roger Federer chuan grand slam singles vawi 400 a khelhnaah a khingpui Casper Ruud a hneh a, French Open last 16 a thleng.

French Open third round-ah Roger Federer leh Casper Ruud te hi an inkhel a, Swiss star Federer chu 6-3, 6-1, 7-6 (10-8) in a chak a, Roland Garros last 16 a inhlang kai thei a. Federer hian last 16 a thlen vawi 14-na niin, 1972 a kum 38-a upa Nicola Pietrangeli hnuah chuan hetiang chen thleng thei upa ber a ni.

An inkhelh tirh atangin Roger Federer chuan a khel tha nghal hle a. Casper Ruud hi a la naupang hle a, a pa Christian chu a coach niin, Christian hi 1999 kuma French Open-ah Roger Federer nen hian an lo inkhel tawh a. Hemi tum hi Roland Garros-a Federer-a inlan hmasak ber tum a ni.

Court Suzanne-Lenglen chhunga mipui tam tak hmaah Federer leh Ruud te chu an inkhel mawp mawp a, a tawpah a phanchang zawk, kum 37-a upa Federer chu straight-in a chak ta a ni.

Vawi 20 zet mai trophy lian tham lo la tawh Federer chu han che fuh lo ve zeuh thin mahse a hnuah chuan dinhmun tha zawkah a ding thei zel a. Ruud chuan lehthal tum ngial thin mahse a patuai zawk a nihna a lang leh thin a ni.

Kumin March thlaah khan Casper Ruud hi Top 100 huang chhungah a vawi khatna atan a lut ve tan a, kum lama la upa lo tak a nih bawk avangin a beiseiawm viau a. Norwegian hian theihtawp chhuah mahse Swiss superstar hmaah chuan duhthu a la sam chiah lo a ni ber.

STATISTICAL BREAKDOWN
Roger Federer [3] bt Casper Ruud 6-3 6-1 7-6 (10-8)

WINNERS/UNFORCED ERRORS
Federer - 52/36
Ruud - 28/26

ACES/DOUBLE FAULTS
Federer - 11/3
Ruud - 2/6

BREAK POINTS WON
Federer - 5/12
Ruud - 1/5

FIRST SERVE PERCENTAGE
Federer - 61
Ruud - 68

PERCENTAGE OF POINTS WON ON FIRST/SECOND SERVE
Federer - 80/51
Ruud - 67/32

TOTAL POINTS
Federer - 114
Ruud - 90

Copyright © inkhel.com 2024. All rights reserved.