Mexican promoter Oscar De La Hoya chuan Saul 'Canelo' Alvarez leh Gennady Golovkin-te chu kumin September ni 15-ah an intum nawn dawn niin a sawi.

Golovkin (38-0-1-KO34) leh Alvarez (49-1-2-KO34)-te hi inhnialna tam tak karah an lo inhnehtawk tawh a. An pahnih hian May ni 5 khan intum leh tura tih lo ni tawh mahse Alvarez hian drug-test a paltlang zawh loh avangin a lo inhnukdawk tawh a nih kha.

A hnu lawkah Alvarez hian drug-test hi paltlang zo lo lehin, a promoter-te lamin an sa ei thianghlim tawk lovah puh mahse Nevada Athletic Commission chuan April thla khan thla ruk chhung Alvarez hi a suspend ta a ni.

Golovkin pawh hi Sergiy Derevyanchenko tum ngei ngei tura tih a nih chu a hnawl avangin a IBF title hlih a ni bawk.

Weight-class hrang hrang 6-a lo champion tawh Oscar De La Hoya chuan he rematch hi social-media lamah nilaini khan a puang a ni.